Memleket basshysy Nursultan Nazarbaev Instagramdaǵy Akordapress paraqshasynda jarııalanǵan vıdeorolıkte balalyq shaǵy týraly estelikterimen bólisti.
«Týǵan aýyl, týyp-ósken taýlar, sol taý-tastyń arasynda syldyrap aqqan aq kóbikti ózender. Taýda jaıqalǵan qyzǵaldaqtar, qyzyl túske boıalǵan taý bókteri. Sol qyzyl kilemniń ústinde oıyn-saýyq quratynbyz, dop tebetinbiz, sosyn jıdek terý úshin taýǵa shyǵyp ketetinbiz - osynyń bári árqashan oıǵa oralady. Qıyn jaǵdaıǵa tap bolǵan kezderde, túnde oı qushaǵynda jatqanda, sol súrleýmen júrip, anammen birge attyń ústinde otyrǵanymdy, onyń men uıyqtaǵanda qulap ketpesin dep baılap qoıatynyn eske alamyn. Bıik taýlardyń arasynda kele jatqanymyz, tómende gúrildep aqqan ózenniń áýeni eske túsedi», - dedi Nursultan Nazarbaev.