Aldaǵy demalys kúnderi Germanııanyń Saarbrıýkken qalasynda dzıýdodan Eýropa kýbogy jolyndaǵy jarystyń jalaýy jelbireıdi. 30 dan asa memleket ókilderi bas qosatyn baıraqty básekede Qazaq eli namysyn 12 balýan qorǵaıdy.
2020 jyly Tokıoda alaýy tutanatyn Olımpııa oıyndaryna qatysý úshin upaılar beriletin týrnırler qazirgi kezde úzdiksiz ótýde. Solardyń biri – Saarbrıýkkendegi jarys. Álemdik reıtıngtegi jaǵdaılaryn jaqsartý úshin elimizdiń 12 óreni taıaý kúnderi nemis jerine attanady. Olar – Ǵumar Qyrǵyzbaev (66 kılo), Eldos Jumaqanov (73 kılo), Jansaı Smaǵulov (73 kılo), Dıdar Hamza (81 kılo), Bekádil Shaımerdenov (81 kılo), Ázız Qalqamanuly (90 kılo), Islam Bozbaev (100 kılo), Aıbek Serikbaev (100 kılo), Ádilhan Qozybaev (100 kılo), Vıktor Demıanenko (+100 kılo), Sanjar Jabborov (+100 kılo) jáne Erasyl Qajybaev (+100 kg).
Ǵalym SÚLEIMEN, «Egemen Qazaqstan»