Rıgada qaıtys bolǵan Qazaqstan azamaty Asylbek Mýsınniń ólimi boıynsha qozǵalǵan qylmystyq is jabyldy. Bul týraly SIM baspasóz qyzmeti habarlady.
«Polısııanyń málimetinshe, qylmystyq iste qylmys quramy bolmaǵandyqtan is jabyldy», - dep habarlady vedomstvo ókilderi.
Aıta keteıik, ótken jyldyń 27 jeltoqsanynda Latvııa astanasy Rıgada Qazaqstan Prezıdenti Ákimshiliginiń eks-jetekshisi Aslan Mýsınniń uly - Asylbek Mýsınniń qaıtys bolǵany habarlanǵan bolatyn. Oqıǵa 22-nen 23 jeltoqsanǵa qaraǵan túni bolǵan. Is 22 jeltoqsan saǵat 23:42-de polısııada tirkeldi. Polıseılerdiń aqparaty boıynsha, marqum 15-qabattan qulaǵan. Asylbek Mýsın Qazaqstan elshiliginiń konsýldyq tirkeýinde bolmaǵan. Keı málimetter boıynsha, onyń elde turýyna yqtııar haty bolǵan.