Búgin Úkimet otyrysynda Aqparat jáne kommýnıkasııalar mınıstri Dáýren Abaev Smart city jobasyn júzege asyrý boıynsha esep berdi.
Mınıstrdiń aıtýynsha, barlyq 16 óńirdiń ákimdikterinde sıfrlandyrý keńseleri qurylyp, oǵan ákim orynbasarlary jetekshilikke taǵaıyndalǵan. Jergilikti atqarýshy Organdar iske asyratyn jobalardy úılestirý prosesin mınıstrlik jáne «Zerde» holdıngi negizinde qurylǵan sıfrlandyrýdyń ortalyq shtaby basqarady. Arnaıy qurylǵan sıfrlandyrý shtaby jobalardy úılestirýmen aınalysady jáne apta saıyn Smart city jobasyna monıtorıng júrgizilip otyrady.
«Qazirdiń ózinde medısınalyq, aqparattyq júıeler, elektrondy kúndelikter nemese mektepke deıingi balalar mekemelerine kezekke qoıý júıeleri barlyq aımaqtarda engizildi. Pavlodar oblysynyń bilim berý salasynda onlaın jýrnal men kúndelikterdi iske qosý arqyly oqýshylardyń oqý úlgerimi 3 prosentke ósti. Shyǵys Qazaqstan oblysynda aýdan ortalyqtarynan tys ornalasqan 67 dárigerlik ambýlatorııalardy jáne feldsherlik-akýsherlik oryndardy ınternet jelisine qosý arqyly halyqqa memlekettik qyzmet kórsetýdiń úlesi 93 prosentke artty», - dep atap ótti Dáýren Abaev Úkimettiń kezekti otyrysynda.
Batys Qazaqstan oblysynda alǵashqy medısınalyq kómek kórsetýge ketetin ýaqyt qysqardy. Atap aıtqanda, jedel járdemdi basqarý júıeleri engizildi.
Al smart tehnologııalardy engizý aıasynda Astana kóshe jaryǵyna qyzmet kórsetý shyǵyndaryn 30 prosentke deıin, energııa qorlaryn - 60 prosentke deıin tómendetken. Júıeniń ózi elektr energııasyn qajettiligine baılanysty avtomatty túrde berilýin retteıdi.
Shymkent qalasynda jol-kólik oqıǵalaryn, foto-beıne túsirý júıesin engizý arqyly jol júrý erejelerin buzý jaǵdaılary 17 prosentke azaıǵan. Al Almaty oblysyndaǵy Qorǵas beketinde adamnyń kelbetin taný júıesine alǵash synaq júrgizgende, izdeý sharalaryna jumsalatyn ýaqyt 15 prosentke deıin azaıady dep boljanǵan.
«О́ńirlerdiń barlyǵy aqyldy qala jasaýǵa negiz bolatyn servısterdi jasaýda keń aýqymdy jumys jasap jatyr. Mektepterdiń 87 prosentine ınternet qoljetimdi. Qala men aýyl oqýshylary arasyndaǵy bilim alshaqtyǵy shamamen 30 prosentke tómendedi. Memlekettik qyzmetter ońtaılandyryldy jáne avtomattandyryldy. Elektrondy medısınalyq kartany qoldaný jáne qaǵaz nusqasynan bas tartý aıasynda medısınalyq kartalardy joǵaltý faktory tolyq joıyldy», - dep óz sózin tolyqtyrdy Dáýren Abaev.