Sońǵy kezde tutastaı respýblıkamyz alyp qurylys alańyna aınalyp bara jatqandaı kórinedi. О́ıtkeni elimizdiń qaı qıyryna barsańyz da qaınaǵan qyzý qurylys nysandaryna tap bolaryńyz anyq. Teatr kıim ilgishten bastalsa, kez-kelgen qurylys eń aldymen jobalaý-smetalyq qujattardy (JSQ) ázirleýden bastaý almaq. Aıtalyq qazirgi kezde bıýdjetten qarjylandyrylatyn áleýmettik jáne ınfraqurylymdyq nysandardyń qurylysy boıynsha jobalaý-smetalyq qujattardy ýaqytty sozbaı merziminde ázirleýdiń róli men jaýapkershiligi joǵary ekeni haq.
О́ıtkeni bulaı bolmaǵan jaǵdaıda áleýmettik nysandardyń júzege asý merzimi kesheýildeýi nemese múldem turǵyzylmaı qalýy ábden múmkin. Sondyqtan da óńirdegi oblystyq basqarmalardyń basshylary jáne bıýdjettik baǵdarlamalardyń ákimshileri, sondaı-aq jobalaý uıymdary men qurylys ındýstrııasy kásiporyndary basshylarynyń mundaı sylbyr is-áreketke jol bermeýiniń paıdasy men tıimdiligi óte mol. Áıtse de oblysta jobalaý-smetalyq qujattardy ázirleýmerzimi saqtalmaı otyr. Bul jóninde jergilikti basylym betterine Aqtóbe oblysy ákiminiń baspasóz qyzmeti habarlady. Iаǵnı olardyń tujyrymdaýynsha ótken 2017 jyldyń jeltoqsan aıynda 2018 jyly bıýdjetten 281 áleýmettik jáne ınjenerlik ınfraqurylymdar nysanynyń JSQ jasaýǵa qajetti qarajat bólinge. Áıtse de búgingi kúni ekinshi jartyjyldyq kezeńi bastalyp ketkennine qaramastan tabany kúrekteı 115 jobanyń jobalaý smetalyq qujattary ázir bolmaı otyr eken. Bul jóninde Atóbe oblysynyń ákimi Berdibek Saparbaevtyń tóraǵalyǵymen ótkizilgen jıynda Aqtóbe oblystyq qarjy basqarmasynyń basshysy Gúlqasıma Súıintaeva málimdeme jasapty. Buǵan deıingi júrgizilgen taldaýlar men saraptamalar oryn alǵan jaǵdaılardyń basty sebepteri, ıaǵnı JSQ-nyń der kezinde ázir bolmaýynyń basty mánisi –konkýrstyq úderister ótkizý tártibiniń kesh habarlanýy, ári uzaqa sozylýy dep jazady Aqtóbe oblysy ákiminiń baspasóz qyzmeti. Sondaı-aq atalǵan jarııalanymda buǵan qosa bastapqy derekter men tehnıkalyq jaǵdaılarǵa qatysty jaı-kúıdi usynýdyń merzimderi de keshiktirilgeni kórsetilgen.
Bul ne degen sóz. Talas joq, munyń ózi joǵaryda aıtylǵan atalmysh istiń basy-qasynda júrgenderdiń qolynda naqty jobalyq-smetalyq qujattar joq degen uǵym men túsinikti bermeı me? Mundaı kórinis áleýmettik nysandar qurylysyn júrgizý isin jergilikti jáne respýblıkalyq bıýdjetten qarjy tartýǵa óz kedergesin tıgizbeı tura almaıdy. Ári atalǵan derektiń ózi jobalaý-smetalyq qujattardy ázirleýge jaýapty zańdy tulǵalardyń jaýapkershiligi tómen, atqaryp júrgen isteri sylbyr ekenin aıǵaqtasa kerek-ti.
Aıtalyq JSQ-ny jasaqtaý barysynda baǵany negizsiz kóterýdi boldyrmaýdy udaıy nazarda ustaý isiniń de alatyn orny aıyryqsha. Bul maqsat óz kezeginde jobalardyń smetalyq qunyn tyńǵylyqty ári jan-jaqty zertteýdi qajet etedi. Medaldiń eki jaǵy bar degendeı bıýdjettik baǵdarlamalardyń ákimshileri máseleniń osy jaǵyna da jetkilikti túrde kóńil aýdarmaǵany ańǵarylady. Sylbyrlyq qashanda istiń nátıjeli aıaqtalýyna kedergi keltiredi. Endeshe bul aıtylǵandardan tıisti tulǵalar naqty qorytyndy shyǵarady degen oıdamyz.
Temir Qusaıyn,
«Egemen Qazaqstan»
AQTО́BE