Mańǵystaý oblysy Jańaózen qalasynda jazǵy kanıkýl kezeńinde balalardyń bos ýaqytyn tıimdi uıymdastyrý, sonymen qatar jańartylǵan bilim mazmunyn, úshtildilikti ilgeriletý maqsatynda oqýshylar úshin qalalyq bilim berý uıymdary janynan lagerler uıymdastyryldy.
Atalmysh lagerler jumysyna «Nur Otan» partııasy Jańaózen qalalyq fılıaly janyndaǵy Partııalyq baqylaý komıssııasynyń quramy partııalyq baqylaý júrgizdi.
Qala boıynsha úsh tildik lagerler maýsym aıynyń 6 juldyzynan bastap I kezeńi jumysyn bastady. I kezeńde qamtylǵan oqýshylar sany 330 bolsa, II kezeńde 270 oqýshy qamtylyp otyr.
Qalalyq máslıhat depýtaty, «О́zenDızaınServıs» JShS dırektory, partııalyq baqylaý komıssııasynyń tóraǵasy Bekqalı Nurbosynov: «Osyndaı lagerler balalarǵa tıimdi, ári bos ýaqytyn mazmundy ótkizýge paıdaly. Komıssııa músheleri ótkizilgen dáris jumystaryna qatystyq, muǵalimderdiń biliktiligi men uıymdastyrý qabilettiligine rızamyz», dedi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy