Astanada Ortalyq Azııa elderiniń halyqaralyq bı festıvali bastaldy

22 shilde men 5 tamyz ara­lyǵynda bas qalany bı dýmanyna bóleıtin óner merekesi Mádenıet jáne sport mınıstrliginiń, Astana qalasy ákimdiginiń qoldaýymen Qazaq ulttyq horeografııa aka­demııa­sy men AQSh-tyń Qazaqstandaǵy elshiliginiń uıym­dastyrýy negizinde el­or­dada bıyl tuńǵysh ret ótip otyr. Ortalyq Azııa el­­de­rine ortaq festıvalde Qazaqstan, Túrikmenstan, Tá­­jikstan, Qyrǵyzstan já­ne О́zbekstannyń talant­ty bıshileri men horeografta­ry bas qosyp, bı óne­ri­niń álemdik deńgeıdegi sheber­le­rinen dáris alyp, ózara tá­jirıbe almasady. Atap aı­tar bolsaq, festıval ba­ry­synda AQSh-tan arna­ıy shaqyrylǵan Ketrın Pıl­kın­gton jáne Del Fına syndy áıgili horeograftar eki aptalyq sheberlik sabaqtaryn júrgizedi. Horeografııanyń aldyńǵy qatarly sheber­le­ri qatysýshylarǵa neo­klas­sıkalyq balet, kontemporarı, modern, brodveı, djaz, hıp-hop, sonymen qa­tar horeografııanyń foto-vı­deo tú­sirilimi men art-me­ned­j­ment taqyryptaryna arna­ıy skıll-ap ótkizedi.

Uıymdastyrýshylardyń aı­­týynsha, AQSh-tyń Qazaq­stan­­daǵy  elshiligi Astana qa­la­­s­y­na 30 grant, aımaqtarǵa – 50 jáne Ortalyq Azııaǵa 20 grant bólip, jastardyń aıtý­ly sharaǵa tegin qaty­sý­yna keń jol ashyp otyr. So­nymen qatar búgingi tań­da kez kelgen bıznestiń ma­ńyz­dy bóligi sanalatyn qý­at- ­ty qural – jarnamalyq ju­mystar, sondaı-aq  foto men kıno ónerinde sátti ıge­ri­lip júrgen zamanaýı sıfrly tehnologııanyń aıtý­ly jetistikterin bı óneri­n­de utymdy paıdalaný men jalpy horeografııanyń mar­ketıng pen baılanys salalarynda keń daǵdyǵa ıe bo­lýy baǵytyndaǵy tıimdi tá­silderdi ıgerý jáne ony tá­ji­rıbede qoldaný joldary­na jan-jaqty toqtalyp, úı­re­ný­shilerge qundy keńester be­riledi. 

«Sharanyń tuńǵysh ret Qazaqstanda uıym­das­ty­ry­lý­ynyń ózi kóp nár­se­ni ań­ǵar­tady. Negizgi maq­sa­­tymyz – eli­mizdi, jas As­tanamyzdy qa­zir álemdi jaý­la­ǵan zama­naýı bıdiń or­ta­­lyǵy etý», deıdi Central Asian Dance festıvaliniń uı­ym­dastyrýshysy Mereı Zeı­nesh.

Aıtýly festıvaldiń basty ereksheligi – sharaǵa tek kásibı bıshiler qatysady.  Arnaıy talap negizinde irik­te­lip alynǵan  úzdik 100 qaty­sý­shy festıval sońynda alǵan dáristeri men sheberlik sabaqtarynyń qorytyndysy retinde 5 tamyz kúni «О́ner zorlyq-zombylyqqa qarsy» atty gala-konsert ótkizedi. Eki apta boıy elorda tórin dýmanǵa bóleıtin aıtýly bı festıvali jastardyń ózara mádenı jáne kásibı tájirıbe al­masýyna negiz bolyp, Or­ta­­lyq Azııa aýmaǵynda neo­klas­sıkalyq jáne zamanaýı horeografııanyń damýyna úlesin qosady dep kútilýde.

Nazerke JUMABAI,

«Egemen Qazaqstan»