Mańǵystaý oblysyna jumys saparymen Kásipodaqtar federasııasynyń tóraǵasy Baqytjan Ábdiraıym kelip, oblys ákimimen kezdesýde óńirdegi áleýmettik áriptestikti nyǵaıtý, qyzmetkerlerdi áleýmettik qoldaý jáne áleýmettik-eńbek qatynastary máselelerin talqylady.
– Bizdiń mindetimiz – qyzmetimizdiń áleýmettik baǵytyn jaqsartý. Kásipodaqtar men olardyń otbasy músheleriniń arasynda saýyqtyrý is-sharalaryn uıymdastyrý, kýrorttyq emdeý ortalyqtaryn damytý, balalar men jasóspirimderdi buqaralyq dene shynyqtyrý jáne sporttyq úıirmelerge baýlý, dedi Baqytjan Ábdiraıym.
– Qazirgi kúni qoǵamda ózgeden ozyq, bitim-bolmys jaǵynan eshkimge uqsaı bermeıtin, rýhanı jáne materıaldyq jaǵynan salmaqty orny bar kásipodaq – halyq arasynda zor senimge, aıtýly bedelge ıe uıym. Bul qoǵamdyq uıym jergilikti jerdegi san qyrly qyzmetti uıymdastyrýshy qarapaıym qyzmetkerler men jumyskerlerdiń janashyry. Qarapaıym eńbek adamynyń áleýmettik jaǵynan tolyq qamtylyp, eńbek quqyqtarynyń saqtalýy – onyń alańsyz jumysyn isteýi men eńbeginiń nátıjeli bolýynyń, olardyń muń-muqtajdaryn jedel sheshýge atsalysatyn birden – bir oryn. Jumysshylardyń osy ıgilikterge ıe bolýyna árbir ujymdaǵy kásipodaq uıymy múddeli. Sondyqtan kásipodaq uıymynyń jumysy árqashanda durys baǵalanýy tıis, dedi óńir basshysy Eraly Toǵjanov.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy