RF SIM Ortalyq Afrıka Respýblıkasynda jýrnalıstik qujattary bar úsh Reseı azamatynyń qaza tapqanyn rastady, dep habarlaıdy Reseıdiń SIM-niń baspasóz qyzmeti.
Sıbıý qalasyna jaqyn mańda belgisiz qarýly adamdar toby shabýyl jasap, reseılik 3 jýrnalısti atyp óltirgen.
«Ortalyq Afrıka Respýblıkasynan túsip jatqan aqparat boıynsha, 30 shildede Sıbıý qalasyna jaqyn mańda (OAR astanasynan soltústikke qaraı 300 km - Bangı q.) Kırıll Radchenko, Aleksandr Rastorgýev jáne Orhan Djemal esimderine berilgen tek jýrnalıstik qujattary ǵana bar úsh adam qaza tapty», - delingen mınıstrlik habarlamasynda.
Qazirgi ýaqytta Reseı dıplomatııalyq mıssııa qyzmetkerleri jergilikti quqyq qorǵaý organdary men úkimettik qurylymdarmen tyǵyz baılanys jasap, oqıǵanyń mán-jaıyn anyqtap jatyr.