Syrtqy ister mınıstri Qaırat Ábdirahmanov Qazaqstanǵa resmı saparmen kelgen Úndistan Respýblıkasynyń Syrtqy ister mınıstri Sýshma Svaradjpen kezdesti. Kelissózder barysynda eki jaqty memleketaralyq qarym-qatynastardyń strategııalyq sıpaty, sondaı-aq eki el halyqtarynyń arasyndaǵy dostyq dástúri atap ótildi.
Taraptar Qazaqstan Prezıdenti Nursultan Nazarbaev pen Úndistannyń Premer-Mınıstri Narendra Modıniń 2017 jylǵy maýsymda Astanada jáne osy jyldyń maýsym aıynyń basynda Sındao qalasynda ótken ShYU sammıteri aıasyndaǵy ekijaqty kezdesýlerdiń barysynda qol jetkizilgen ýaǵdalastyqtardyń júzege asyrylýyn talqylady. «Jaqynda Qytaıdyń Sındao qalasynda ótken Qazaqstan-Úndistan kezdesýinen keıin Qazaqstan Prezıdenti Úkimetke Úndistanmen ınvestısııa, energetıka, logıstıka, aqparattyq tehnologııalar, ǵarysh, farmasevtıka, týrızm jáne kınoóndiris salasyndaǵy ekijaqty yntymaqtastyqty kúsheıtý jóninde birqatar naqty tapsyrmalar berdi. Osy negizinde biz 2019 jylǵa josparlanǵan joǵary deńgeıdegi resmı is-sharalardyń mazmunyn daıyndaýdamyz», - dedi Q. Ábdirahmanov. Qazaqstan syrtqy saıasat vedomstvosynyń basshysy Úndistan tarapyna Astananyń 20 jyldyq mereıtoıyna, Astana ekonomıkalyq forýmynyń XI sessııasyna, sondaı-aq «Astana» Halyqaralyq qarjy ortalyǵynyń resmı ashylý saltanatyna Úndistan ókilderiniń qyzyǵýshylyqtary men belsendi qatysqany úshin alǵysyn bildirdi. 2017 jyly Qazaqstan men Úndistan arasyndaǵy saýda aınalymy 1 mıllıard dollar deńgeıine jetti. Taraptar osy kórsetkishti arttyrý maqsatynda belsendi yntymaqtastyqty jalǵastyrýǵa kelisti. Atap aıtqanda, kólik-logıstıkalyq saladaǵy yntymaqtastyqty keńeıtý, onyń ishinde Úndi muhıtyna qol jetkizý maqsatynda Qazaqstan - Túrikmenstan - Iran temirjolynyń áleýetin paıdalaný boıynsha jumystar júrgizilýde.
Taraptar Qazaqstan-Úndistan caýda-ekonomıkalyq, ǵylymı-tehnıkalyq, ónerkásiptik jáne mádenı yntymaqtastyq jónindegi úkimetaralyq komıssııasynyń jáne Qazaqstannyń saýda-ónerkásip palatasy men Úndistannyń saýda-ónerkásip palatalary federasııasy arasyndaǵy Iskerlik keńestiń jemisti jumysyna qanaǵattanýshylyq bildirdi. Bul jumys aıasynda Úndistannyń isker toptary iri qazaqstandyq áýejaılardy basqarýǵa, sondaı-aq «Astana» HQO, Jasyl tehnologııalar jáne ınvestısııalyq jobalar jónindegi halyqaralyq ortalyǵy jáne «AstanaHub» IT-startaptar tehnoparki sheńberinde yntymaqtastyqqa qyzyǵýshylyq tanytty. Kópjaqty yntymaqtastyq salasynda BUU, ShYU jáne AО́SShK sheńberindegi yntymaqtastyqtyń tıimdiligin arttyrý boıynsha qosymsha qadamdar anyqtaldy. Qazaqstannyń Syrtqy ister mınıstri Úndistan tarapy BUU-nyń Lıvandaǵy ýaqytsha kúshteri quramyndaǵy (UNIFIL) úndi batalonyna bıylǵy jyly qazaqstandyq bitimgershilik kontıngentin engizýine kómekteskenin erekshe atap ótti. Sondaı-aq, kópjaqty yntymaqtastyqtyń mańyzdy jobalarynyń biri - Eýrazııalyq ekonomıkalyq odaq pen Úndistannyń arasyndaǵy erkin saýda aımaǵy týraly kelisim jasasý týraly kelissózderdiń bastalýy. Mádenı-gýmanıtarlyq baılanystar árdaıym taraptardyń nazarynda bolady. Qazaqstan Úndistanǵa bıylǵy jyldyń qańtar aıynda Srınagar qalasynda tanymal tarıhshy, memleket qaıratker Mýhammed Haıdar Dýlatıdiń qabiriniń qalpyna keltirilýine qoldaý bildirgeni úshin alǵysyn bildirdi. Budan basqa, Bollıvýd kınostýdııalarymen birlesken fılmder jasaý jolyndaǵy alǵashqy qadamdar jasaldy.