Almatyda salynyp jatqan kelesi eki metro beketi 2021 jyly paıdalanýǵa beriledi. Bul týraly qurylysqa jaýapty kompanııa ókilderi málimdedi. Olardyń aıtýynsha, «Saryarqa» jáne «Dostyq» stansalarynyń qurylysyna osydan úsh jyl buryn 67 mlrd teńge bólingen. Biraq bul qarajat jetpegendikten, respýblıkalyq bıýdjetten bıyl qosymsha 9,5 mlrd teńge qarastyrylyp otyr.
Qazir salynyp jatqan eki metro beketi paıdalanýǵa berilgen soń, mamandar «Qalqaman» stansasyn salýǵa kirisedi. Oǵan qajetti jer telimderi anyqtalyp, bólim ıelerimen kelissóz júrgizilip jatyr. Jospar boıynsha 152 jer telimi memleket muqtajy úshin satyp alynady. Al qurylysshylar biraz qıyndyqtardyń baryn aıtady. Jerdi uńǵylaýǵa zamanaýı tehnıkalardyń ózi shydas bermeı jatqan kórinedi.
Jamılıa Arısova, «Almatymetroqurylys» AQ óndiristik tehnıkalyq departamentiniń dırektory:
– Almaty metrosyn salýdaǵy eń bir kúrmeýi qıyn kúrdeli jaǵdaılardyń biri bolyp sanalatyny – Almaty qalasynyń seısmıkalyq qaýipti aımaqta ornalasýy. Metro qurylysy aýmaǵynda jerasty topyraǵynyń ereksheligi aıtarlyqtaı qıyndyqtar týǵyzady. Tipti búgingi zamandaǵy aldyda kele jatqan qýatty tehnıkalardyń ózi kóptegen qıyndyqqa ushyraýda.