21 tamyzda Máskeý oblysynyń Kýbınka qalasynda ashylǵan «Ásker-2018» IV Halyqaralyq áskerı-tehnıkalyq forýmynyń jumysyna Qazaqstan Respýblıkasy qorǵanys-ónerkásip kesheniniń (QО́K) kásiporyndary qatysty.
Qazaqstandyq stend 200 sharshy metrden astam aýdandy alyp otyr, onda otandyq kompanııalar áskerı jáne eki maqsattaǵy ónimderiniń 120-dan astam úlgiler men maketterin ornalastyrdy.
Aıta ketý jón, QО́K otandyq kásiporyndar bul forýmǵa úshinshi jyl qatysyp, eksporttyq potensıaly bar qarý-jaraq pen áskerı tehnıkanyń jańa úlgilerin usynýda.
Ulttyq kórme ekspozısııasyna «KAE» JShS, «S.M. Kırov atyndaǵy zaýyt» AQ, «Tynys» AQ, «Semeı ınjınırıng» AQ, «Kazspesekport» RMK, «405 avıajóndeý zaýyty» AQ jáne QО́K salasynyń basqa da kompanııalary qatysty.
«KAE» JShS-tiń Elektrondyq-optıkalyq ónimin shyǵaratyn zaýyty kórmede teplovızııalyq quraldar úshin ınfraqyzyl lınzalardy jáne radıobaılanystyń kásibı quraldaryn usyndy.
«S.M. Kırov atyndaǵy zaýyt» AQ ámbebap polıgon qural-jabdyǵyn kórsetti. Onyń quramynda maqsatty qondyrǵylar, tórli ólshemdegi maqsattar, basqarý bloktar, sondaı-aq radıoreleılik stansııalar boldy.
«Semeı ınjınırıng» kásiporny jańǵyrtylǵan brondalǵan tank tehnıkasy men konversıondy tehnıkanyń maketterin, onyń ishinde T-72 tanki, JÁJM jáne BTR-80 negizinde jasalǵan jóndeý-evakýasııalyq pen barlaý-baqylaý mashınalaryn usynǵan.
«Tynys» AQ «Ásker-2018» forýmynda áýe ónerkásibi úshin quramdas bólshekterin jáne áskerı amýnısııany: bronejılet, brondalǵan júıeler, qorǵanysh plıtalar, dýlyǵalar jáne basqa da ónimderin kórsetti.
Forým barysynda qazaqstandyq delegasııa shetel áriptestermen birqatar kelissózder ótkizý josparlap otyr.