Bangkok qalasynda BUU-nyń Azııa men Tynyq muhıtqa arnalǵan ekonomıkalyq jáne áleýmettik komıssııanyń (AzTMEÁK) shtab-páterinde Qazaqstan Respýblıkasynyń Taılandtaǵy Elshiliginiń bastamasy boıynsha Halyqaralyq ıadrolyq synaqtarǵa qarsy kúnge arnalǵan «dóńgelek ústel» ótti. Forýmǵa dıplomatııalyq korpýstyń, halyqaralyq uıymdardyń, akademııalyq toptardyń jáne qoǵam ókilderi qatysty.
Qatysýshylar ıadrolyq qarýdy qoldaný men synaqtan ótkizý qurbandaryn eske alý úshin bir mınýt únsizdigik jarııalady. О́z sózinde, Qazaqstannyń Taılandtaǵy Elshisi Raýshan Esbýlatova Qazaqstannyń ıadrolyq qarýsyzdaný jáne jahandyq ıadrolyq qaýipsizdiktiń prınsıpti jáne dáıekti jaqtaýshysy retinde damýyndaǵy Prezıdent Nursultan Nazarbaevtyń aıryqsha rólin atap ótti.
Táýelsizdiginiń eleń-alańynda álemdegi tórtinshi ıadrolyq arsenalynan bas tartyp, Qazaqstan elimizdiń halyqaralyq qyzmetiniń bolashaǵyn aıqyndaıtyn tarıhı qadam jasady. Respýblıka Iаdrolyq qarýdy taratpaý týraly jáne Iаdrolyq synaqtarǵa jappaı tyıym salý týraly sharttyna TMD-ǵa múshe memleketterdiń arasynda birinshi bolyp qosyldy. Semeı kelisimine qol qoıý arqyly Ortalyq Azııadaǵy ıadrolyq qarýdan azat aımaǵy quryldy. Qazaqstannyń bastamasy boıynsha BUU Bas Assambleıasy Iаdrolyq qarýdan azat álemge qol jetkizý jalpyǵa birdeı deklarasııasyn qabyldady. Iаdrolyq qarýǵa tyıym salý týraly shartyna 2018 jylǵy 2 naýryzda qol qoıýy Qazaqstannyń Iаdrolyq qarýsyzdaný jolyn ustanýyn rastaıdy.
R.Esbýlatova qatysýshylardy Memleket basshysy BUU trıbýnasynda málimdegen - 2045 jylǵa qaraı ıadrolyq qarýdan azat álemdi qurý órshil maqsatyna qol jetkizý úshin kúsh-jigerdi biriktirýge shaqyrdy.
AzTMEÁK Atqarýshy hatshysynyń orynbasary Kave Zahedı «dóńgelek ústel» qatysýshylaryna arnalǵan sóz barysynda «Qaýipsizdik-Damý» baılamy turǵysynda Qazaqstannyń ıadrolyq qarýsyzdanýǵa qatysty júrgizip jatqan saıasatynyń ózektiligen atap ótti. Taıland SIM Halyqaralyq uıymdar departamenti Bas dırektorynyń orynbasary M.Srısvasdı óz sózinde resmı Bangkoktyń ıadrolyq qarýdy taratpaý isi jolyn ustanatynyn jáne Qazaqstannyń atalǵan baǵyttaǵy bastamalaryn qoldaıtynyn málimdedi.
Sonymen birge Reseı, Mońǵolııa, Kýba, Mysyr, Nıgerııa elshileri jáne Japonııa, Meksıka jáne О́zbekstan elshilikteri qazaqstandyq dıplomattarǵa elshiligine is-sharany ótkizý bastamasyna alǵys bildirip, ıadrolyq qarýsyz álemge qol jetkizýde kúsh-jigerdi biriktirýdiń mańyzdylyǵyn atap ótti. Is-shara sheńberinde Semeı polıgony jáne ıadrolyq synaqtardyń saldary týraly fılm kórsetildi.