QR Ulttyq banki Eksımbank pen «Qazaq Banki» AQ-ny qundy qaǵazdar naryǵynda jumys júrgizýde banktik jáne basqa da operasııalardy júrgizý lısenzııasynan aıyrdy.
Ulttyq banktiń baspasóz qyzmetinen habarlanǵandaı, «Eksımbank Qazaqstan» AQ atalmysh lısenzııadan prýdensııalyq normatıvterdiń, normatıvtik-quqyqtyq aktterdiń júıeli túrde buzylýyna, sonymen birge qosymsha kapıtalızasııa boıynsha ýákiletti organnyń talaptaryn banktiń iri qatysýshylarynyń oryndamaýyna baılanysty aıyrylyp otyr.
Sol sekildi «Qazaq Banki» AQ júıeli túrde (kúntizbelik on eki aıdyń ishinde úsh jáne odan da kóp márte) tólemdik jáne aýdarmalyq operasııalar boıynsha kelisim mindetterin laıyqsyz oryndaǵany jáne júıeli túrde prýdensııalyq normatıvter men ózge de mindetterdi, normalar men lımıtterdiń buzylýyna baılanysty atalmysh lısenzııadan aıyrylǵan. Ulttyq bankten túsindirilip ótkendeı, bank sektorynyń mindettemeleri men jıyntyq aktıvterinde bankterdiń aktıvteri men mindettemeleri az bolǵandyqtan (0,2 paıyz jáne 0,8 paıyz) atalmysh bankterdi lısenzııadan aıyrý basqa qarjy uıymdaryna qaýip tóndire qoımaıdy. «Ulttyq bank tóraǵasynyń 2018 jylǵy 27 tamyzdaǵy buıryǵyna sáıkes, bankterdiń ýaqytsha ákimshiligi taǵaıyndaldy. Olarǵa bankterdi basqarýdaǵy barlyq organnyń quzirettiligi beriledi.
Ýaqytsha ákimshilik sot lıkvıdasııalyq komıssııany taǵaıyndaǵansha jumys júrgizedi. 2018 jyldyń 28 tamyzynan bastap ýákiletti organnyń normatıvtik-quqyqtyq aktisinde qarastyrylǵan shyǵyndardan, bankke túsip jatqan aýdarym aqshadan basqa jaǵdaıdyń bárinde klıentterdiń barlyq bank shottary men bankterdiń ózderi boıynsha operasııalar toqtatyldy. Bekitilgen zańnamalyq tártip boıynsha Ulttyq bank bankterdiń jumysyn toqtatý týraly sotqa júginedi», - delingen habarlamada.