L.N.Gýmılev atyndaǵy Eýrazııa ulttyq ýnıversıtetinde 2467 orynǵa arnalǵan úsh zamanaýı jańa jataqhana salynady, dep habarlaıdy ýnıversıtettiń baspasóz qyzmeti.
Bes qabatty zamanaýı Stýdentter úıi Ahmet Baıtursynov jáne Kenen Ázirbaev kósheleriniń qıylysynan boı kótermek. Qazirgi tańda memlekettik satyp alý zańnamasyna sáıkes qurylys máseleleri boıynsha quzyrly oryndarmen kelisim jasalyp, jobalyq-smetalyq qujattama ázirleýge kelisimshart túzildi. Qyzmetterdi oryndaý merzimi - qarasha aıynyń basy. Jobalyq-smetalyq qujattama qolǵa alynǵannan keıin, qurylys júrgizý bastalady.
Bul Elbasynyń bes áleýmettik bastamasy: «Joǵary bilim alýdyń qoljetimdiligi men sapasyn arttyryp, stýdent jastardyń jataqhanadaǵy jaǵdaıyn jaqsartý» negizinde júzege asqaly otyr.