О́skemendegi qazaq teatrynyń jańa maýsymy O.Bókeıdiń «Qasqyr ulyǵan túnde» lırıkalyq dramasymen ashylady.
Shyǵys Qazaqstan oblystyq Qazaq drama teatry óziniń 19-shy teatr maýsymyn 28 qyrkúıekte jazýshy Oralhan Bókeıdiń «Qasqyr ulyǵan túnde» atty lırıkalyq dramasymen ashady. Qoıylymnyń ınssenırovkasyn jasaǵan, ári rejısseri - Asyl Qozyqanov. «El bolyp eske alyp, qurmet tutatyn, belgili dramatýrg, jazýshy O.Bókeıdiń 75 jyldyǵyna oraı qoıylatyn bul qoıylym ómirdiń ózinen alyp jazylǵan shyndyq.
«Aqylshym – týǵan jer,
Ustazym – tákappar da qatal Altaı», jahanda saǵan jeter saltanatty jer joq» - dep asa zor súıispenshilikpen jazǵan Oralhan Bókeıdiń dramalyq shyǵarmalarynda zaman tynysy, adamı qundylyqtar kelisti keskindeledi. Avtordyń ár shyǵarmasy týǵan jerine degen mahabbatynan týyndaıdy. Qoǵamnyń damýyndaǵy bolyp jatqan túrli ózgerister adam sanasyna yqpal etpeı qoımaıdy.
Sondaı-aq tabıǵattyń da adam ómirinde atqaratyn roli zor. Damyp jatqan zaman jetistikterinen shet qalǵan aýyl ómiri, qoǵamdyq kóliktegi saparlas qyzben jýrnalıst jigittiń taǵdyry appaq qardaı jan tazalyǵymen astasyp kelip, orny tolmas ókinishpen aıaqtalady. Qoıylymǵa kelińizder, O.Bókeıdiń taǵy bir shyǵarmasymen tanys bolyp, rýhanı qorjyndaryńyzdy toltyryńyzdar», - deıdi teatrdyń ádebıet bóliminiń meńgerýshisi Sholpan Laqaeva.
Azamat QASYM,
«Egemen Qazaqstan»
О́SKEMEN