Batys Qazaqstan oblysynyń ákimi Altaı Kólginov búgin Qazaqstannyń Jalpyulttyq qasıetti nysandary tizimine kirgen áýlıe Jumaǵazy qaziret – Dádem ata kesenesine baryp, kópshilik tilegi – jol máselesiniń taıaýda sheshiletinin málimdedi.
Oral qalasynan 80 shaqyrym jerde, Oral-Aqtóbe kúre jolynan 3 km qashyqta jatqan kıeli mekenniń tusynan ótken kólikter jyldamdyǵyn azaıtyp, keıbiri toqtap, áýlıe arýaǵyna duǵa arnaý kóp jyldan beri buljymas dástúrge aınalǵan. Jalpyulttyq kıeli nysandar tizimine Aq Jaıyq óńirinen aldymen engen nysannyń biri de osy zııarat orny edi. О́ńir basshysy kıeli mekenge arnaıy soǵyp, jaı-kúıimen tanysty.
Aıta ketý kerek, bul jerde halyqtyń, demeýshilerdiń óz kúshimen-aq elektr, gaz jelisi tartylyp, meshit pen qonaq úı salynyp, kelýshilerge barynsha jaǵdaı jasalyp jatyr. Biraq kúre joldan zııaratqa deıingi 3 shaqyrymdyq qara jol ǵana kún raıynyń qolaısyz kezeńinde mı batpaq bolyp, jolaýshynyń jolyn bógeıtin.
Altaı Kólginov sapar barysynda tıisti mamandarǵa kıeli mekendi kúre jolmen jalǵaıtyn kólik jolynyń jobalyq smetalyq qujattaryn ázirleýdi tapsyrdy. О́ńir basshysynyń aıtýynsha, bul jol 2019 jyly salynady.
«Rýhanı jańǵyrý» baǵdarlamasy boıynsha qasıetti nysandar tizimine engen barlyq kıeli mekenderge jol salynady» dep habarlady bizge Batys Qazaqstan oblysy ákiminiń baspasóz qyzmeti.
Qazbek QUTTYMURATULY
«Egemen Qazaqstan»
Batys Qazaqstan