Qazaqstan Prezıdentine Almaty qalasynyń ındýstrııalyq aımaǵyndaǵy jumys nátıjeleri men ony damytýdyń perspektıvalyq josparlary jóninde málimdeldi, dep habarlaıdy Aqordanyń baspasóz qyzmeti.
Nursultan Nazarbaev joǵary tehnologııaly tok ótkizgish kabel ónimderin shyǵaratyn «KMK Investment» jaýapkershiligi shekteýli seriktestiginiń óndiristik sıklimen, sondaı-aq daıyn ónim úlgilerimen tanysty.
Kásiporyn jumysshylarymen áńgimelesken Elbasy óndiriste eýropalyq sapaǵa saı básekege qabiletti ónim shyǵarýǵa múmkindik beretin zamanaýı tehnologııa men qurylǵylar qoldanýdyń mańyzdylyǵyn atap ótti.
Memleket basshysy «Tokyo Rope Almaty» jaýapkershiligi shektelý seriktestiginiń zaýytynda metall gabıon toryn jasaıtyn avtomattandyrylǵan óndirispen tanysyp, daıyn ónim úlgilerin kórdi.