Qazaqstan Respýblıkasynyń Memlekettik hatshysy Gúlshara Ábdiqalyqova «Aýǵanstandaǵy áıelderdiń quqyqtary men múmkindikterin keńeıtý» atty óńirlik konferensııaǵa qatysty.
Memlekettik hatshy Gúlshara Əbdiqalyqova Memleket basshysy Nursultan Nazarbaevtyń konferensııa qatysýshylaryna arnaǵan quttyqtaý sózin oqyp berdi. Onda Qazaqstannyń Aýǵanstandaǵy beıbitshilikke tezirek qol jetkizýge kómektesýdi jaqtaıtyny aıtylǵan, sondaı-aq áıelderdiń jaǵdaıyn jaqsartý, genderlik teńdikti qamtamasyz etý jáne Aýǵan jerinde tynyshtyq ornatý jolyndaǵy Aýǵan Úkimetiniń qadamdary joǵary baǵalanǵan.
G.Ábdiqalyqova Aýǵanstandy Ortalyq Azııa elderimen ekonomıkalyq baılanysqa tartýdyń mańyzdylyǵyn atap ótti. Osy oraıda Memlekettik hatshy Aýǵanstandaǵy jáne tutas óńirdegi naqty ekonomıkalyq jobalardy júzege asyrýǵa halyqaralyq bıznesti keńinen tarta otyryp, áıelder kásipkerligin damytýdyń keshendi baǵdarlamasyn ázirleýdi usyndy. Bul, óz kezeginde, Aýǵanstan áıelderiniń áleýmettik-ekonomıkalyq múmkindikterin keńeıte túsedi.
Sonymen birge AQSh prezıdentiniń keńesshisi Ivanka Tramp ta aımaqtyq konferensııaǵa baılanysty vıdeoúndeýin joldady. Aýǵanstannyń Áıelder isi jónindegi mınıstri Dılbar Nazarı Qazaqstan bastamasyna alǵysyn bildirdi. Onyń aıtýynsha, búginde aýǵan áıelderiniń ómirinde kóptegen ózgerister bar. Aýǵanstannyń mınıstr áıelderi, jergilikti bılik ókilderi aýǵan áıelderiniń quqyǵyn qorǵaýǵa barynsha atsalysýda.
О́ńirlik konferensııany ótkizý bastamasy jahandyq deńgeıde genderlik teńdik qaǵıdattaryn ilgeriletý sheńberinde kóterilip otyr. Oǵan Aýǵanstan, Armenııa, Ázerbaıjan, Qyrǵyzstan, Tájikstan, Túrikmenstan, О́zbekstan, Eýropalyq Odaq, Qytaı, Reseı, Úndistan jáne BUU-dan joǵary deńgeıdegi delegasııalar qatysýda. Konferensııa Qazaqstannyń BUU Qaýipsizdik keńesinde múshe bolýy aıasynda ótkizilýde. Shara sheńberinde Aýǵanstan problemasyna erekshe nazar aýdaryldy. Aýǵanstanǵa halyqaralyq nazardy eskere otyra, Qazaqstan osy eldegi uzaq merzimdi beıbitshilikke jáne turaqty damýǵa qol jetkizý maqsatynda, halyqaralyq qoǵamdastyqtyń eldegi ahýal týraly aqparatyn arttyrýǵa jáne Aýǵanstan áıelderi men qyzdaryn qoldaýǵa, olardyń quqyqtary men múmkindikterin ilgeriletýge jáne keńeıtýge talpynýda. Sheteldik qonaqtar arasynda – Armenııanyń Birinshi hanymy Nýne Sarkısıan, Qyrǵyzstannyń Vıse-Premer-mınıstri Altynaı Omýrbekova, О́zbekstan Premer-mınıstriniń orynbasary Tanzıla Narbaeva, О́zbekstan Olıı Májilis Senaty Tóraǵasynyń orynbasary Svetlana Artıkova, О́zbekstannyń Mektepke deıingi bilim berý mınıstri Agrepına Shın, Ázerbaıjannyń eńbek jáne áleýmettik qorǵaý mınıstri Sahıl Babaev, Aýǵanstannyń áıelder isteri jónindegi mınıstri Dılbar Nazarı, Aýǵanstannyń mádenıet jáne aqparat mınıstri Hasın Safı, Reseıdegi adam quqyqtary jónindegi ýákiletti ókili Tatıana Moskalkova, BUU Bas hatshysynyń arnaıy ókili, BUU-nyń Ortalyq Azııa úshin preventıvti dıplomatııa jónindegi óńirlik ortalyǵynyń basshysy Natalıa German, AQSh Memlekettik hatshysynyń strategııalyq jáne krızıstik kommýnıkasııalar máseleleri jónindegi kómekshisiniń orynbasary Edrıenn Ross jáne basqa elderden delegasııalarbar. Iemendik quqyq qorǵaýshysy, jýrnalıst jáne saıasatker, Beıbitshilik boıynsha Nobel syılyǵyn alǵan tuńǵysh arab áıeli Tavakýl Karman bar.
Memlekettik hatshy konferensııa aıasynda О́zbekstan Respýblıkasy Premer-Mınıstriniń orynbasary – Áıelder komıtetiniń tóraıymy T.Narbaevamen, sondaı-aq aýǵandyq delegasııa basshysy – Aýǵanstan Islam Respýblıkasynyń Áıelder isteri jónindegi mınıstri D. Nazarımen ekijaqty kezdesýler ótkizdi. Kezdesýler barysynda Qazaqstannyń О́zbekstanmen, Aýǵanstanmen yntymaqtastyǵynyń qazirgi ahýaly jáne perspektıvalary talqylandy.