Apta saıyn ótetin apparat jıynynda Áset Isekeshev qalany damytýdyń birqatar ózekti máselelerin qarastyrdy, onyń ishinde úlestik qurylys, qaýipsizdik, jylý maýsymyna daıyndyq, dep habarlaıdy elorda ákimdiginiń resmı saıty.
Al operatıvtik jaǵdaı týraly IID basshysynyń orynbasary Marat Tólebaev qalada qaýipsizdik deńgeıi joǵarylatylǵanyn aıta ketti. «Jasóspirim» jedel profılaktıkalyq sharasyn ótkizýdiń nátıjesinde qoǵamdyq oryndarda jasalynatyn qylmys sany azaıǵan. Sonymen birge, «Sergek» apparattyq-baǵdarlamalyq kesheni aptasyna 19,5 myń quqyq buzýshylyqty belgilegen, onyń 19 185 óńdeldi.
Qaladaǵy apparattyq-baǵdarlamalyq keshenniń fotobeınetirkeý men beınetaldaýdyń jumysy týraly ınvestısııa jáne kásipkerlikti qoldaý basqarmasynyń basshysy Álisher Abdyqadyrov aıtyp berdi. Onyń sózinshe, «Sergek» kamerasyn engizý qalalyq ortada jol-kólik apatyn tómendetýge sep bolǵan. Aıtalyq, jyl basynan beri 12 194 JKO tirkelgen, bul ótken jylmen salystyrǵanda 20% az.
Jylý maýsymyna daıyndyq pen qatty otyndy iske asyrý boıynsha otyn-energetıkalyq kesheni men kommýnaldyq sharýashylyq basqarmasynyń basshysy Erbol Tóleýov baıandady. Ol jylý maýsymyna daıyndyqtyń kestege saı júrip jatqandyǵyn habarlady. Sondaı-aq kómirdi satýdyń josparǵa saı ekendigin, halyq arasynda aıqaı-shýdyń joqtyǵyn jetkizdi. Osyǵan baılanysty ákim osy baǵyttaǵy jumystardy jalǵastyryp, kómirdiń baǵasy sharyqtap ketpeýin tapsyrdy.
Budan basqa, Áset Isekeshev kóshe shamdarynyń kesh janatyny týraly eskertý jasady. Onyń aıtýynsha kóshe shamdary belgilengen ýaqytta emes, qarańǵy túse salysymen iske qosylýy kerek. Ákim buǵan da tapsyrma berip, kóshelerdi jaryqtandyrýdyń kestesin qaıta qaraýdy jáne qajettilik bolǵan jaǵdaıda iske qosý kerektigin aıtty.