Tolassyz jaýǵan jańbyr Ertis óńirindegi Ekinshi Pavlodar shaǵyn aýdanyndaǵy jaǵdaıdy ýshyqtyryp jiberdi.
Saldarynan jerasty sýlarynyń deńgeıi taǵy kóterildi. Búginde sý basqan úılerdiń qatary 500-ge jetti. Kúz jaqyndap qalsa da, másele shemimin tappaq emes.
Úsh balanyń anasy Zýhra Kaseınova osy úıdi segiz jyl buryn satyp alǵan. Sońǵy eki jyl qatarynan rezeńke etik kıip, kún keshýge májbúr. Jertólege jınalǵan sý bir jarym metrge kóterilip, baspananyń irgesin sógip jibergen.
Qanat Jeldibaev, qalalyq ákimdigi ákimdigi tj jáne azamattyq qorǵanys jónindegi bólim basshysy:
– Bul qazanshuńqyrdan bólek, nóserli káriz jáne drenaj júıesi tartylady. Aldaǵy ýaqytta sorǵy quraldary ákelinip, ornatylady. Bul sý deńgeıiniń tómendeýine sep bolýy tıis. Sonymen qatar qazirgi kezde káriz júıesi jobalanyp jatyr. Jańa káriz júıesi sý basqan 15 kósheniń barlyǵyn qamtymaq. Tıisti túzetýler engizilgen soń, joba memlekettik saraptamaǵa joldanady. Keıin júıe qurylysy bastalady.
24.kz