Ystyqkólde oblysynda ótip jatqan Dúnıejúzilik kóshpendiler oıyndarynda Qyrǵyzstannyń sportshylary utyp alǵan medaldarynyń esebi boıynsha úsh kúnnen beri birinshilikti basqalarǵa bermeı keledi. Munyń bir sebebi alań ıeleriniń ulttyq sporttyń barlyq túrlerine kóptep qatysqandyǵynan da bolyp tur.
Aldyńǵy 5 kúnniń qorytyndysynda aq qalpaqty baýyrlarymyz 30 altyn, 25 kúmis, 23 qola medalǵa (barlyǵy 78) ıe bolyp, baǵy janyp turǵan kez.
Olarmen úzeńgilesip, kkinshi orynda 16 altyn, 9 kúmis, 18 qola medalmen (barlyǵy – 43) reseılikter keledi.
Úshinshi oryndaǵy qazaqstandyqtardyń qorjynynda 11 altyn, 17 kúmis, 21 qola medal bar.
Kóshpendiler oıyndarynda, jalpy alǵanda, 594 medal, 174 altyn, 173 kúmis, 247 qola medal tigilgen. Báıge qory – 28 mıllıon som. Eske salsaq, kóshpendiler oıyndaryna 234 qazaqstandyq sportshy qatysýda.
Nazarbek Baıjigitov,
Qyrǵyz Respýblıkasy,
Sholpan ata qalasy