2011 jylǵy 2 jeltoqsan, Astana, Úkimet Úıi
Kredıtorlar talaptarynyń tizilimin qalyptastyrý qaǵıdalaryn bekitý týraly
«Bankrottyq týraly» Qazaqstan Respýblıkasynyń 1997 jylǵy 21 qańtardaǵy Zańynyń 10-1-babynyń 6) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Kredıtorlar talaptarynyń tizilimin qalyptastyrý qaǵıdalary bekitilsin.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń
2011 jylǵy 2 jeltoqsandaǵy №1437 qaýlysymen bekitilgen
Kredıtorlar talaptarynyń tizilimin qalyptastyrý qaǵıdalary
1. Jalpy erejeler
1. Osy Kredıtorlar talaptarynyń tizilimin qalyptastyrý qaǵıdalary (budan ári – Qaǵıdalar) «Bankrottyq týraly» Qazaqstan Respýblıkasynyń 1997 jylǵy 21 qańtardaǵy Zańynyń (budan ári – Zań) 10-1-babynyń 6) tarmaqshasyna sáıkes ázirlengen jáne konkýrstyq is júrgizý men ońaltý rásimi kezinde kredıtorlar talaptarynyń tizilimin (budan ári – Tizilim) qalyptastyrý tártibin anyqtaıdy.
2. Konkýrstyq is júrgizý kezinde Tizilimdi qalyptastyrý tártibi
2. Kredıtorlardyń talaptaryn qanaǵattandyrý jáne olardyń múddelerin qamtamasyz etý maqsatynda bankrottyq rásiminde konkýrstyq basqarýshy Tizilimdi qalyptastyrady.
3. Tizilimdi qalyptastyrý úshin konkýrstyq basqarýshy ózi taǵaıyndalǵan kúnnen bastap on kúnnen aspaıtyn merzimde Qazaqstan Respýblıkasynyń búkil aýmaǵynda jáne boryshkerdiń turǵylyqty jeri boıynsha tıisti ákimshilik-aýmaqtyq birlikte taratylatyn, belgilengen tártippen normatıvtik quqyqtyq aktilerdi resmı jarııalaý quqyǵyn alǵan merzimdi baspasóz basylymdarynda memlekettik jáne orys tilderinde boryshkerdi bankrot dep taný jáne konkýrstyq is júrgizýdi qozǵaý týraly habarlandyrýdy jarııalaıdy.
4. Boryshkerdi bankrot dep taný týraly habarlandyrý jarııalanǵan kúnnen bastap eki aıdan keshiktirmeı kredıtorlar ózderiniń talaptaryn tizilimge qosý týraly ótinishterin, talaptar somasy týraly (negizgi qaryzdyń, syıaqynyń (múddeniń), turaqsyzdyq aıybynyń jáne ózge de aıyppuldar sanksııalarynyń, shyǵyndar somasy týraly bólek-bólek) málimetterdi jáne talaptar somasyn qamtýy tıis dáleldi qujattarmen (sottardyń kúshine engen sheshimderi, sharttardyń kóshirmeleri, boryshkerdiń qaryzdy moıyndaýy) qosa konkýrstyq basqarýshyǵa usynady.
Kredıtorlardyń sheteldik valıýtamen kórsetilgen talaptary sot boryshkerdi bankrot dep taný týraly sheshimi qabyldanǵan kezde Qazaqstan Respýblıkasynyń Ulttyq Banki belgilegen baǵam boıynsha teńgemen esepke alynady.
5. Kredıtorlar ýaqtyly málimdegen erkin nysandaǵy jazbasha ótinishti, sondaı-aq olarǵa qosa tirkelgen osy Qaǵıdalardyń 15-23-tarmaqtarynda kózdelgen qujattardy konkýrstyq basqarýshy olar tirkelgen kúnnen bastap bir aı merzimde qarastyrady.
6. Tizilimge konkýrstyq basqarýshy daýsyz, sondaı-aq dáleldi dep tanyǵan kredıtorlar talaptary engiziledi.
Boryshkerden aqshalaı qarajatty óndirip alý týraly zańdy kúshine engen sottyń sheshimi nemese atqarý qujattary bar talaptar daýsyz bolyp tabylady.
7. Konkýrstyq basqarýshy kredıtorlardyń talaptaryn qarastyrý nátıjesi týraly talaptardy moıyndaý nemese moıyndamaý týraly sheshim qabyldanǵan kúnnen keıingi kúni árbir kredıtordy jazbasha túrde habardar etýge mindetti.
Habarlamada kredıtorlardyń talaptaryn konkýrstyq basqarýshynyń qaraýy aıaqtalatyn merzim, kredıtor talaptary somasyn jáne ol soma qosylǵan kezegin bekitý úshin bankrottyq salasyndaǵy ýákiletti organǵa (budan ári – ýákiletti organ) qalyptastyrylǵan Tizilimniń jiberiletin kúni kórsetiledi. Talaptardy konkýrstyq basqarýshy tolyq kólemde nemese onyń bir bóligin moıyndamaǵan jaǵdaıda, moıyndamaý sebepteri kórsetiledi.
8. Tizilim osy Qaǵıdalardyń 1-qosymshasyna sáıkes nysan boıynsha qalyptastyrylady.
Tizilim boryshkerdiń Býhgalterlik balansyna kredıtorlyq bereshekti taratý negizinde qalyptastyrylmaıdy. Talaptardy tıisti kezektegi Tizilimge engizý úshin negiz bolǵan kredıtorlardyń ótinishteri bolǵan kezde Tizilim bekitiledi.
9. Kredıtorlardyń talaptaryn Tizilimge engizý ne olardyń talaptarynyń somasy týraly kredıtorlar jáne konkýrstyq basqarýshylar arasynda týyndaıtyn kelispeýshilikterdi tıisti kredıtordyń málimdemesi boıynsha sot qaraıdy.
Zańdy kúshine engen sot sheshimi talapty Tizilimge nemese Tizilimge túzetýler engizýge negiz bolyp tabylady.
10. Kredıtorlar buryn sotqa málimdegen talaptar Zańnyń 71-babynyń 1-tarmaǵynyń ekinshi abzasynda kórsetilgen talaptarǵa jaýap berse, olardyń talaptaryn Tizilimge engizýge bolady.
11. Kredıtorlar, ózine bereshek somasy men osy somaǵa tıesili syıaqyny (múdde), boryshker tarapynan mindettemelerdi oryndamaýmen nemese tıisinshe oryndamaýmen keltirilgen shyǵyndardy, turaqsyzdyq aıybyn (aıyppuldardy, ósimpuldardy) tóleýdi jáne ózge de aıyppul sanksııalaryn qamtıtyn talaptardy boryshkerden talap etýge quqyly.
12. Turaqsyzdyq aıyby (ósimaqylar, aıyppuldar) men boryshker mindetteriniń barlyq túri boıynsha syıaqy esepteý, boryshkerdi sot bankrot dep taný týraly sheshim qabyldaǵan sátten bastap toqtatylady jáne olar boıynsha soma boryshkerdi sot bankrot dep taný týraly sheshim qabyldaǵan kezge anyqtalady.
13. Zalaldardyń, aıyptardyń (aıyppuldar, ósimder) jáne ózge de aıyppul sanksııalarynyń somasy boryshkerdi bankrot dep taný týraly sheshim qabyldanǵan kezge aıqyndalady.
14. Taratylatyn boryshker ómirine nemese densaýlyǵyna keltirilgen zııan úshin jaýap beretin azamattarǵa merzimdi tólenetin tıisti tólemderin kapıtalǵa aınaldyrý arqyly, jalaqydan jáne (nemese) ózge kiristen ustalǵan alımentter boıynsha talaptar Tizilimniń birinshi kezegine engiziledi.
15. Birinshi kezektegi kredıtorlar talaptaryn rastaıtyn qujattar:
alıment boıynsha – ótinish, beresheginiń bar bolýy týraly anyqtama, beresheginiń bar ekendigin rastaıtyn býhgalterlik qujattar, sot sheshimi (bar bolsa);
azamattardyń talaptary boıynsha ómirine jáne densaýlyǵyna zııan keltirgeni úshin jaýapty bolatyn azamattar kapıtalǵa aınaldyrý jolymen tıisti merzimdi tólem – ótinish, medıko-áleýmettik sarapshylar komıssııasynyń qorytyndysy, qolaısyz jaǵdaılar týraly akt (zańdy kúshine engen sot sheshimi bar bolǵan jaǵdaıda, mindetti emes), beresheginiń bar ekendigi týraly anyqtama, jeke kýáliginiń kóshirmesi, zeınetaqy shartynyń kóshirmesi (zeınetkerlerdi qospaǵanda), áleýmettik jeke kodynyń nemese jeke sáıkestendirilgen nómiri (zeınetkerlerdi qospaǵanda), beresheginiń bar ekendigin rastaıtyn býhgalterlik qujattar, bereshek jáne kapıtalǵa aınaldyrý boıynsha esep aıyrysý, sot sheshimi (bar bolǵan jaǵdaıda) bolyp tabylady.
16. Eńbek sharty boıynsha jumys istegen adamdarǵa eńbegine aqy men ótemder, Memlekettik áleýmettik saqtandyrý qoryna áleýmettik aýdarymdar boıynsha eńbekaqydan ustalǵan mindetti zeınetaqy jarnalaryn tóleý boıynsha boryshtardy óteý, sondaı-aq avtorlyq sharttar boıynsha syıaqy tóleý jónindegi talaptar, Tizilimniń ekinshi kezegine myna jaǵdaılardy qospaǵanda engiziledi:
1) eńbek aqy men ótemaqy tóleý boıynsha kredıtorlardyń bankrottyq týraly óndiristik is qozǵalǵanǵa deıin eńbekaqy men ótemaqy tóleý boıynsha bir jyl ishinde burynǵy jalaqymen salystyrǵanda jalaqynyń ulǵaıǵan somasynyń talaptary, Tiziliminde besinshi kezek quramynda eskeriledi;
2) eńbek qatynastary bankrottyq týraly is júrgizý bastalǵanǵa deıin bir jyl ýaqyt kezeńinde paıda bolǵan eńbek aqy men ótemaqy tóleý boıynsha kredıtorlarlardyń talaptary kredıtorlar talaptary tiziliminiń ekinshi kezeginiń quramynda boryshkerde bankrottyq týraly is júrgizý bastalǵanǵa deıin bir jyl ýaqyt kezeńine deıin qalyptasqan ortasha aılyq jalaqydan aspaıtyn mólsherde nemese uqsas laýazymdar men mamandyqtardyń tarıftik mólsherlemesimen esepke alynady. Talaptardyń qalǵan somalary (aıyppul, ósimpuldar, ındeksteý jáne basqalar) Tiziliminiń besinshi kezeginiń quramynda esepke alynady.
17. Ekinshi kezektegi kredıtorlar talaptaryn rastaıtyn qujattar:
ótinish, eńbek sharty boıynsha jumys istegen tulǵalarǵa eńbek aqy men ótemaqylardy tóleý boıynsha bereshektiń bar ekendigi týraly anyqtama, sondaı-aq jeke tabys salyǵyn, Memlekettik áleýmettik saqtandyrý qoryna áleýmettik aýdarymdardy tóleý boıynsha taratylatyn boryshkerdiń anyqtamalary, mindetti zeınetaqy jarnalarynyń tólengendigi týraly Qazaqstan Respýblıkasynyń Memlekettik zeınetaqy tóleý ortalyǵynyń anyqtamasy, jeke kýáliginiń, zeınetaqy shartynyń (zeınetkerlerdi qospaǵanda), áleýmettik jeke kodyn nemese jeke sáıkestendirý nómirin (zeınetkerlerdi qospaǵanda) ıemdený týraly kýálik kóshirmeleri, salyq eseptiligi, bereshektiń barekenin rastaıtyn býhgalterlik qujattar men eseptilik, bankrottyq týraly is qozǵalǵanǵa deıingi 2 (eki) jylǵa (ár jylǵa jekelep) eńbek aqy esepteý boıynsha málimetter, eńbek sharty boıynsha jumys istegen tulǵalarǵa eńbekaqy jáne ótemaqy boıynsha bereshegimen esep aıyrysý, onyń ishinde mindetti zeınetaqy jarnalaryn tóleý, tabys salyǵy, Memlekettik áleýmettik saqtandyrý qoryna áleýmettik aýdarymdar boıynsha, sondaı-aq avtorlyq sharttar boıynsha syıaqy, sot sheshimi (bar bolǵan jaǵdaıda) bolyp tabylady.
18. Kredıtorlardyń taratylatyn boryshkerdiń kepilmen qamtamasyz etilgen múlki, mindettemeleri jónindegi talaptary qamtamasyz etý somasy sheginde Tizilimniń úshinshi kezegine engiziledi.
Kepilmen qamtamasyz etilmegen bóliginde, mindettemeler Tiziliminde besinshi kezektegi talaptar quramynda eskeriledi.
19. Úshinshi kezektegi kredıtorlar talaptaryn rastaıtyn qujattar:
ótinish, Qazaqstan Respýblıkasynyń zańnamasyna sáıkes resimdelgen kepil sharttary, kredıtor men boryshker arasyndaǵy ózara eseptesýdi salystyrý aktileri jáne taratylatyn bankrottyń múlkin kepildeýmen qamtamasyz etilgen mindettemelerdiń qamtamasyz etý somasy sheginde bar ekenin rastaıtyn basqa da qujattar, túgendeý tizimi, sot sheshimi (bar bolǵan jaǵdaıda) bolyp tabylady.
20. Tizilimniń tórtinshi kezegine salyq jáne bıýdjetke tólenetin basqa da mindetti tólemder boıynsha bereshek engiziledi.
Salyq jáne bıýdjetke tólenetin basqa da mindetti tólemder boıynsha talaptardyń somasyn anyqtaǵan jaǵdaıda bankrottyq týraly is júrgizý qozǵalǵan kezden paıda bolǵan boryshkerdiń salyqtyq bereshegi eskeriledi.
21. Tórtinshi kezektegi kredıtorlar talaptaryn rastaıtyn qujattar: ótinish, salystyrý aktileri, sot sheshimi (bar bolǵan jaǵdaıda) bolyp tabylady.
22. Tizilimniń besinshi kezegine azamattyq-quqyqtyq mindettemeler boıynsha, sonyń ishinde kredıtorlarǵa tıesili syıaqy (múdde), kepilmen qamtamasyz etilgen mindettemeler boıynsha kredıtorlar talaptaryn qospaǵanda, Zańnyń 78-babynyń 2, 3-tarmaqtarynda kózdelgen jaǵdaılarda eńbek sharty boıynsha jumys istegen tulǵalarǵa eńbekaqy men ótemaqy tóleý jónindegi kredıtorlardyń talaptary, jáne zańdy tulǵa quryltaıshylarynyń (qatysýshylarynyń), sondaı-aq Zańnyń 79-babynyń 3-tarmaǵynda jáne 80-babynyń 3-tarmaǵynda belgilengen basqa kezektegi kredıtorlar talaptary engiziledi.
23. Besinshi kezektegi kredıtorlar talaptaryn rastaıtyn qujattar:
ótinish, sharttar, istelgen jumystardy, qyzmetterdi jetkizý aktileri, býhgalterlik qujattar, syıaqy, boryshkerdiń mindettemelerdi oryndamaýynan nemese tıisinshe oryndamaýynan shyqqan shyǵyndar, turaqsyzdyq aıyby (aıyppuldar, ósimaqylar), boryshkerdiń qaryzdy moıyndaýyn rastaıtyn ózara eseptesýdi salystyrý aktileri, sot sheshimi (bar bolǵan jaǵdaıda) bolyp tabylady.
Kredıtorlar talaptaryn rastaıtyn Qazaqstan Respýblıkasynyń azamattyq zańnamasynda kózdelgen qujattardy usynýǵa bolady.
24. Konkýrstyq basqarýshy, boryshkerdi bankrot dep taný týraly sottyń sheshimi zańdy kúshine engen kúnnen bastap tórt aıdan keshiktirmeı ýákiletti organǵa bekitý úshin qalyptastyrylǵan tizilim, sondaı- aq olardyń talaptaryn qaraý nátıjesi boıynsha kredıtorlarǵa joldanǵan habarlamalardy qosa otyryp, osy Qaǵıdalardyń 2-qosymshasyna sáıkes nysan boıynsha ótinish joldaıdy.
25. Konkýrstyq basqarýshy Tizilimniń ár kezegi boıynsha, qujattary hronologııalyq tártippen nemese qısyndy júıelilikte, jobalyq jazbasyz jáne artyq nusqalarsyz tigiletin dara is qalyptastyrady.
Árbir istiń taqyryby (tıtýl paraǵy) kezek ataýyn qamtıdy jáne qysqasha túrde mazmunyn aıqyndaıdy.
Ár is tigiledi (baýlanady), nómirlenedi jáne artqy betinde boryshkerdiń mórimen (joq bolǵan jaǵdaıda – konkýrstyq basqarýshy jeke kásipkerdiń mórimen) kýálandyrylady jáne oǵan konkýrstyq basqarýshy qol qoıady. Istiń birinshi betinde ornalasqan tizimdemesin qosqanda, is 250 paraqtan kóp bolmaıdy. Qujattar kólemi úlken bolǵan jaǵdaıda, betterine derbes nómerleri qoıylǵan jeke is retinde tomdar jasalady. Tomdardan turatyn (olardyń rettik nómirleri kórsetilgen) istiń ataýynda (kezekterdiń ataýy kórsetilgen) osy tomnyń erekshelikterin sıpattaıtyn aqparat bolady.
26. Osy Qaǵıdalardyń 25-tarmaǵyndaǵy talaptarǵa sáıkes resimdelgen 24-tarmaqta kórsetilgen qujattardy konkýrstyq basqarýshy ýákiletti organǵa qabyldap alý-berý aktisi boıynsha bekitý úshin tapsyrady.
27. Tizilim ýákiletti organnyń eskertýleri jáne kredıtorlardyń, quryltaıshylardyń (qatysýshylardyń) qarsylyǵy bolmaǵan jaǵdaıda qujattardy bergen ýaqyttan bastap bir aptanyń ishinde bekitiledi.
28. Osy Qaǵıdalarda kórsetilgen talaptarǵa sáıkes kelmeıtin qujattar usynylǵan jaǵdaıda, konkýrstyq basqarýshy olardy alǵan kezden bastap bes jumys kúni ishinde joıýǵa tıis sáıkessizdiktiń jazbasha negizdemesimen, ýákiletti organ basshysynyń sheshimi boıynsha, qujattar pysyqtaý úshin keri qaıtarylady.
Ýákiletti organnyń eskertýlerin jáne kredıtorlardyń, quryltaıshylardyń (qatysýshylardyń) qarsylyǵyn eskere otyryp, konkýrstyq basqarýshy pysyqtap qaıta usynǵan Tizilim, qujattardy qaıta usynǵan kezden bastap kúntizbelik jeti kún ishinde bekitiledi.
29. Tizilimdi bekitý týraly ýákiletti organnyń buıryǵy eki danada shyǵarylady, onyń biri konkýrstyq basqarýshyǵa joldanady, ekinshisi ýákiletti organda saqtalady.
Tizilimdi bekitý týraly buıryq shyqqannan keıin ýákiletti organnyń jaýapty tulǵasy jáne konkýrstyq basqarýshy Tizilimniń ár betine qol qoıady. Tizilimniń bir danasy ýákiletti organda qalady, al ekinshi danasy konkýrstyq basqarýshyǵa beriledi.
30. Tizilimdi bekitkennen keıin ýákiletti organ konkýrstyq basqarýshynyń bergen qujattaryn qabyldap alý-berý aktisi boıynsha keri qaıtarady.
31. Ýákiletti organ bekitken Tizilimge ózgerister men tolyqtyrýlar:
1) tıisti kredıtordyń málimdemesi boıynsha sot qaraıtyn, Tizilimge engizý ne olardyń talaptary somasy týraly kredıtorlar jáne konkýrstyq basqarýshy arasynda týyndaıtyn kelispeýshilikter bolǵan;
2) kredıtorlar talaptaryn boryshkerdiń bankrot dep tanylǵandyǵy týraly habarlama jarııalaǵannan keıin eki aı merzim ótkennen keıin málimdegen jaǵdaılarda engiziledi.
32. Astyq qabyldaý kásiporny kredıtorlarynyń talaptary Tizilimge mynadaı kezekpen engiziledi:
1) birinshi kezekke ómirine nemese densaýlyǵyna zııan keltirgeni úshin taratylýshy astyq qabyldaý kásiporny aldynda jaýapkershilikte bolatyn azamattardyń talaptary engiziledi;
2) ekinshi kezekke eńbek sharty boıynsha jumys isteýshi (istegen) adamdardyń eńbekke aqy tóleý boıynsha talaptary engiziledi;
3) úshinshi kezekke kepil týraly málimetteri bar astyq qolhattaryn ustaýshylardyń talaptary engiziledi;
4) tórtinshi kezekke kepil týraly málimetteri joq astyq qolhattaryn ustaýshylardyń talaptary engiziledi;
5) besinshi kezekke kredıtorlardyń taratylatyn astyq qabyldaý kásipornynyń múlik kepilimen qamtamasyz etilgen mindettemeler jónindegi talaptary engiziledi;
6) altynshy kezekke bıýdjetke tólenetin salyq jáne mindetti tólemder boıynsha bereshek engiziledi;
7) jetinshi kezekke Qazaqstan Respýblıkasynyń zań aktilerine sáıkes basqa kredıtorlardyń talaptary engiziledi.
33. Maqta óńdeý uıymy kredıtorlarynyń talaptary Tizilimge mynadaı kezektilikpen engiziledi:
1) birinshi kezekke ómirine nemese densaýlyǵyna zııan keltirgeni úshin taratylatyn maqta óńdeý uıymy jaýapty bolatyn azamattardyń talaptary tıisti merzimdik tólemaqylardy kapıtaldandyrý jolymen engiziledi;
2) ekinshi kezekke jeke eńbek sharty boıynsha jumys isteıtin (istegen) adamdarmen eńbekaqy, jalaqydan ustalǵan alımentterdi jáne mindetti zeınetaqy jarnalaryn, sondaı-aq avtorlyq sharttar boıynsha syıaqylar tóleý jónindegi bereshekter tólemi boıynsha talaptar engiziledi;
3) úshinshi kezekke kepildik týraly málimetteri bar maqta qolhattaryn ustaýshylardyń talaptary; maqta qolhattary boıynsha mindettemelerdi óteýge baılanysty maqta qolhattary boıynsha mindettemelerdiń oryndalýyna kepildik berý qorynyń júrgizilgen tólemder boıynsha bolashaqtaǵy talaptary engiziledi;
4) tórtinshi kezekke kepildik týraly málimetteri joq maqta qolhattaryn ustaýshylardyń talaptary engiziledi;
5) besinshi kezekke taratylatyn maqta óńdeý uıymynyń múlik kepildigimen qamtamasyz etilgen mindettemeleri boıynsha kredıtorlardyń talaptary qamtamasyz etý somasy sheginde engiziledi;
6) altynshy kezekke salyqtar jáne bıýdjetke tólenetin basqa da mindetti tólemder boıynsha bereshek engiziledi;
7) jetinshi kezekke Qazaqstan Respýblıkasynyń zańdaryna sáıkes basqa da kredıtorlar talaptary engiziledi.
3. Ońaltý rásimi kezinde Tizilimdi qalyptastyrý tártibi
34. Ońaltý rásiminde kredıtorlardyń talaptaryn qanaǵattandyrý jáne olardyń múddelerin qamtamasyz etý maqsatynda ońaltýshy basqarýshy Tizilim qalyptastyrady.
35. Ońaltý rásimi engizilgennen keıin kredıtorlardyń talaptaryn dáleldi dep tanýdy ońaltýshy basqarýshy júzege asyrady.
36. Zalaldardyń, aıyptardyń (aıyppuldar, ósimpuldar) jáne ózge de aıyppul sanksııalarynyń somasy ońaltý rásimin engizgen kezge aıqyndalady.
37. Kredıtorlardyń ótinishterin qaraýdy, Tizilimdi qalyptastyrýdy jáne ýákiletti organǵa bekitýge joldaýdy osy Qaǵıdalardyń 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27 jáne 28-tarmaqtarynda belgilengen tártippen ońaltýshy basqarýshy júzege asyrady.
Kredıtorlar talaptary tizilimin qalyptastyrý qaǵıdalaryna 1-qosymsha
___________________________________________________
(ataýy/taratylǵan (ońaltylatyn) boryshkerdiń T.A.Á.)
kredıtorlar talaptarynyń tizilimi
Rs
№ Kezegi, T.A.Á/
kredıtordyń ataýy Talap etilgen bereshek somasy (teńge) Konkýrstyq (ońaltýshy) basqarýshynyń sheshimi Qabyldanǵan sheshim boıynsha konkýrstyq (ońaltýshy) basqarýshynyń negizdemesi Eskert-pe
Tanylǵan jáne tizilimge engizilgen soma (teńge) Tanylmaǵan (qabyldanbaǵan) soma, (teńge)
1 2 3 4 5 6 7
1. Birinshi kezek
1.1 Azamattardyń ómirine jáne densaýlyǵyna zalal keltirgeni úshin jaýapty bolatyn azamattardyń talaptary
1.1.1
...
Jıyny:
1.2 Eńbekaqydan jáne (nemese) ózge de alıment tólemderinen ustalǵandar
1.2.1
...
1 2 3 4 5 6 7
Jıyny:
Birinshi kezek boıynsha jıyny:
2. Ekinshi kezek
2.1 Jeke eńbek sharty boıynsha jumys isteıtin azamattarǵa eńbekaqy jáne ótemaqy, sondaı-aq, avtorlyq sharttar boıynsha syıaqylar tóleý jónindegi bereshekter tólemi boıynsha esep aıyrysý
2.1.1
...
Jıyny:
2.2 Memlekettik áleýmettik saqtandyrý qoryna áleýmettik aýdarymdar boıynsha bereshekter
2.2.1
1 2 3 4 5 6 7
...
Jıyny:
2.3 Jalaqydan ustalǵan mindetti zeınetaqy jarnalary boıynsha bereshek
2.3.1
...
Jıyny:
2.4 Jalaqydan ustalǵan tabys salyǵy boıynsha bereshek
2.4.1
...
Jıyny:
Ekinshi kezek boıynsha jıyny:
3. Úshinshi kezek:
3.1
...
Úshinshi kezek boıynsha jıyny:
4. Tórtinshi kezek:
4.1
...
1 2 3 4 5 6 7
Tórtinshi kezek boıynsha jıyny:
5. Besinshi kezek:
5.1 Negizgi tólemder, syıaqylar (múddeler)
5.1.1
...
Jıyny:
5.2 Zalaldar, turaqsyzdyq tólemderi (aıyppuldar, ósimaqylar)
5.2.1
...
Jıyny:
Besinshi kezek boıynsha jıyny:
6. Merzimi ótip ketkennen keıin málimdelgen talaptar (birinshi jáne ekinshi kezektegi kredıtorlardy qospaǵanda)
6.1
...
Jıyny:
1 2 3 4 5 6 7
Tizilim boıynsha jıyny:
_________________________
(ataýy/boryshkerdiń T.A.Á.)
Konkýrstyq (ońaltýshy)
basqarýshy _______ _______________________
(qoly) (T.A.Á)
M.O.
Kredıtorlar talaptary tizilimin qalyptastyrý qaǵıdalaryna 2-qosymsha
___________________________
(ýákiletti organnyń ataýy)
О́tinish
______________________________ sotynyń «___» __________ 20____ j.
sheshimimen (uıǵarymymen) ________________________________________
(ataýy/boryshkerdiń T.A.Á)
bankrot dep tanyldy jáne konkýrstyq is júrgizý týraly is qozǵaldy, ońaltý rásimi qoldanylǵan.
(qajettisin kórsetý qajet)
«Bankrottyq týraly» Qazaqstan Respýblıkasy Zańynyń 10-2-babynyń 14) tarmaqshasyna jáne 73-babyna sáıkes ____________________________________________________________________
(ataýy/boryshkerdi T.A.Á.)
Tizilimdi rastaıtyn qujattaryn tirkeı otyryp, kredıtorlar talaptarynyń tizilimin bekitýge usynamyn.
Qosymsha:
1. Kezek bólinisinde túsiniktememen birge kredıtorlar talaptarynyń tizilimi 2 danada, árqaısysy ____ bette.
2. Bereshekti rastaıtyn qujattar (sot sheshimi, salystyrý aktileri, sharttar jáne t.b.) ____ bette.
3. Jıyny ______ ister nómirlenip, baýlanǵan, meniń qolymmen jáne
(sany)
mórimmen kýálandyrylǵan.
4. О́zgeleri ____ bette.
__________________________
(ataýy/boryshkerdi A.T.Á)
Konkýrstyq (ońaltýshy)
basqarýshy _____________ _______________________
(qoly) (T.A.Á)
M.O.