B. Imashevtyń tóraǵalyǵymen Ortalyq saılaý komıssııasynyń otyrysy boldy.
OSK músheleri Shymkent qalasynan Parlament Senatynyń depýtattyǵyna kandıdattardy usyný jáne tirkeý qorytyndylaryn qarady.
Ortsaılaýkom bekitken Parlament Senatynyń depýtattaryn saılaýdy ázirleý men ótkizý jónindegi negizgi is-sharalardyń kúntizbelik josparyna saı kandıdattardy usyný aǵymdaǵy jylǵy 11 tamyzdan bastap 4 qyrkúıek aralyǵyndaǵy kezeńde boldy. Kandıdattardy tirkeý 14 qyrkúıekte aıaqtaldy.
Shymkent qalasynyń aýmaqtyq saılaý komıssııasynyń derekteri boıynsha barlyǵy 9 kandıdat usynyldy. Onyń ishinde 2 adamdy Shymkent qalasynyń máslıhaty usyndy, 7 – ózin-ózi usyný tártibimen.
QR Parlamenti Senatynyń depýtattyǵyna 8 kandıdat tirkeldi. Tirkelgen kandıdattardyń saılaý aldyndaǵy úgiti a.j. 15 qyrkúıekte bastalyp, 4 qazan kúngi 00-00 saǵatqa deıin ótkiziledi.
Jalpy saılaý naýqany Qazaqstan Respýblıkasynyń saılaý zańnamasyna sáıkes ótýde.
Otyrys barysynda OSK músheleri sondaı-aq a.j. 5 qazanda QR Parlamenti Senatynyń depýtattaryn saılaýdy elektrondyq súıemeldeý úshin Ortsaılaýkomnyń ınternet-resýrsy fýnksıonalyn paıdalaný týraly máseleni qarady.
Prezıdent Jarlyǵyna saı 2018 jylǵy 5 qazanda Shymkent qalasynan Parlament Senatynyń depýtattaryn saılaý bolatynyn esterińizge salamyz. Saılaý Parlament Senaty depýtattarynyń eki mandaty boıynsha bir mezgilde ótkiziletin bolady. Shymkent qalasynan saılanatyn Parlament Senaty depýtattarynyń ókilettik merzimi 2014 jáne 2017 jyldary respýblıkanyń basqa óńirlerinen saılanǵan Senat depýtattarynyń ókilettik merzimine sáıkes keletin bolady.