Kókshetaý qalasynyń turǵyny Ermek Ámınuly tırajdyq lotereıa oıynynyń mıllıoneri atandy. 82 jastaǵy zeınetker 2 utys tigip, 1 mıllıon 100 myń teńgeni qaltasyna salyp aldy.
Aqsaqaldyń lotereıa oıyndaryna degen qyzyǵýshylyǵy erteden bar eken. Buǵan deıin azyn-aýlaq utystarǵa ıe bolyp júrgen 82 jasar zeınetker bul joly da ádettegideı 2 bıletti halyqqa qyzmet kórsetý ortalyǵynan alǵan. Ekeýinen de 550 myń utysqa ıe bolyp, mıllıoner atandy.
– Bir kúni kóshede kele jatsam, lotereıa satyp jatyr eken. Utys habaryn estigende qýanǵanym ras. Jumsaıtyn jer jeterlik. 7 nemerem, 2 shóberem bar. Solarǵa bólip beremin. О́zime zeınetaqym da jetip jatyr,–deıdi ol.
Baıqal BAIÁDIL,
«Egemen Qazaqstan»
Kókshetaý