Parlament Senatynyń Tóraǵasy Qasym-Jomart Toqaev Azııadaǵy ózara is-qımyl jáne senim sharalary jónindegi keńes (AО́SShK) Hatshylyǵynyń atqarýshy dırektory, elshi Gýn Szıanveıdi qabyldady, dep habarlady Senattyń baspasóz qyzmeti.
Q.Toqaev elshi Gýn Szıanveıdiń Hatshylyq jumysyna qosqan úlesin atap ótip, osy forýmda tóraǵalyq etken merzim ishinde AО́SShK-ni tıimdi qoldaǵany úshin Qytaı tarapyna alǵys bildirdi.
Senat Tóraǵasynyń aıtýynsha, QHR-diń qosqan eleýli úlesiniń arqasynda AО́SShK aımaqtyq qaýipsizdikti qamtamasyz etýdiń quralyna aınalyp, óziniń ómirsheńdigin kórsetti jáne Azııa memleketterin jahandyq senim sharalarynyń júıesine tartýdyń mańyzdy faktory bola aldy. Forýmnyń 2014 jylǵy 20-21 mamyrda Shanhaı qalasynda ótken sammıti jáne 2016 jylǵy 28 sáýirdegi mınıstrlerdiń kezdesýi AО́SShK qyzmetindegi mańyzdy oqıǵalar boldy.
«Siz AО́SShK Hatshylyǵynyń atqarýshy dırektory laýazymyn atqarǵan kezeńde forým qyzmetiniń mazmunyn tolyqtyrý jáne keńinen jarııa etý jóninde serpindi sharalar ótti», – dedi Q.Toqaev.