2018 jylǵy 21 qyrkúıekte Astana qalasy Tótenshe jaǵdaılar departamenti «ParkAvenue 3-3» turǵyn úı kesheni aýmaǵynda shartty órtti sóndirý boıynsha órt-taktıkalyq oqý-jattyǵý ótkizdi, dep habarlaıdy IIM TJ komıtetiniń baspasóz qyzmeti.
Osy oqý-jattyǵýdyń maqsaty bıik ǵımarattarda órt paıda bolǵan kezde shuǵyl qyzmetterdiń jedel den qoıýy boıynsha is-qımyldaryn pysyqtaý bolyp tabylady.
Baqylaýshy retinde Parlament Májilisi Zańnama jáne sot-quqyqtyq reforma komıtetine múshe depýtattar V.I.Oleınık, A.A.Smaǵulov, B.S.Dúısembınov qatysty.
Oqý-jattyǵý oıyna sáıkes qurylys jumysyn júrgizý barysynda kabeldik jelilerdiń zaqymdanýynan kabeldik shahtadaǵy symdardyń tuıyqtalýy oryn aldy, keıin kabelder janyp, sonyń saldarynan qoıý kúıdirgish tútin bólinip, 5-qabattan 18-qabatqa deıin taraldy.
Obekt kúzeti órtti baıqap, «101» telefon nómiri boıynsha órt baılanysynyń ortalyq pýnktine habarlaıdy, ǵımarattan adamdardy evakýasııalaýǵa jáne de bir mezette órtti órt sóndirýdiń alǵashqy quraldary arqyly órtti sóndirýge kirisedi.
Oqıǵa ornyna joǵary shaqyrý nómiri boıynsha órt sóndirý bólimsheleri jáne jol-patrýldik qyzmetiniń ilesip júrýimen shuǵyl den qoıý qyzmetteri jiberiledi. Oqıǵa ornyna shuǵyl jetken О́rt sóndirý qyzmetiniń órt sóndirýshileri jaı-kúıdi jedel baǵalap, sheshýshi baǵyttardy anyqtaıdy jáne jedel túrde áskerı óristetý, órtti sóndirý jáne zardap shekkenderdi izdeý jumystaryn bastaıdy. PIK (páter ıeleriniń kooperatıvi), ózara áreket etý qyzmetteri ókilderimen birlesip, órt sóndirý shtaby uıymdastyrylady jáne órt sóndirý men adamdardy qutqarý boıynsha ýchaskeler qurylady.
Bólimshe gaz-tútinnen qorǵaý qyzmeti býynynyń quramynda barlaý júrgizedi, izdestirýdi toqtatpastan, zardap shekkenderdi qutqarady jáne adamdardy evakýasııalaıdy.
Apattar medısınasy ortalyǵynyń qyzmetkerleri ýly gazben ýlanǵan jáne elektr toǵy saldarynan zardap shekkenderge kómek kórsetedi, zardap shekkenderdi jaqyn jerdegi medısınalyq mekemelerge tasymaldaıdy. Oǵan deıin Ortalyq óńirlik aeromobıldi jedel-qutqarý jasaǵy zardap shegýshini qutqarýshynyń súıemeldeýimen tiginen túsiredi. Qalalyq elektr jelisi ǵımarat pen aýmaqtaǵy elektr energııasyn avarııalyq ajyratýdy qamtamasyz etedi. «Astana Sý Arnasy» MKK órtke qarsy sýmen jabdyqtaýdy úzdiksiz júzege asyrady.
Jedel den qoıý qyzmetiniń úılesimdiligi men jedel is-qımyly nátıjesinde jalpy aýmaǵy 50 sharshy metrdi quraǵan shartty janý sátti joıyldy.