Indonezııanyń bas shahary – Jakartada erejesiz jekpe-jekten One FC týrnıri ótip, sol jarysta Qazaqstannyń tanymal sportshysy Qaırat Ahmetov te óner kórsetti
Asa jeńil salmaqta kúsh synasyp júrgen Qaırattyń júrip ótken joly jankúıerlerdiń kóz aldynda. О́ziniń ár jeńisinen keıin «Qara jorǵa» bıleıtin qazaq jigiti uzaq ýaqyt boıy jeńilistiń kermek dámin tatqan emes. Osyndaı zor tabysynyń arqasynda One FS nusqasy boıynsha chempıondyq belbeýdi de ıelendi. 2017 jyldyń jazy men 2018 jyldyń qysynda ol brazılııalyq Adrıano Moraes pen fılıppındik Djehe Eýstakıoǵa ese jiberip, kóńilimizdi biraz qulazytqan edi. Mine, endi araǵa segiz aı salyp, aıqas alańyna qaıta oralǵan Ahmetov Jakartada ótken jarysta qytaılyq Ma Hao Bın upaı sanymen utty. Qazaqstandyq sportshynyń mereıi ústem bolǵanyn tóreshilerdiń barlyǵy da biraýyzdan moıyndady.
Esterińizge sala keteıik, 30 jastaǵy Qaırat Ahmetov kásipqoılar arasynda 2010 jyldan beri aıqasyp júr. Sol aralyqta 20 jekpe-jek ótkizip, 18 ret jeńiske jetti. 11 básekeni ol merziminen buryn aıaqtady.
Ǵalym SÚLEIMEN,
«Egemen Qazaqstan»