Saılaý-2012

Bedel men senim ushtasyp...

Saılaýshylarmen kezdesýin nur­otandyqtar Almaty obly­synda jal­ǵastyrdy. «Nur Otan» res­pýb­lıkalyq saılaýaldy shtaby ókil­deri «Qazaqstan. 2017 Maq­sat­tary» tuǵyrnamasynyń basym baǵyttaryn óńir turǵyndarymen jáne sportshylar qaýymdas­ty­ǵy­men talqylady. Úgit tobynyń basty maqsaty – árbir saılaýshyǵa jetý. Bul – «Nur Otan» partııasynyń kún­de­likti jumys tártibiniń negizi. «Nur Otan» partııasy ótken jyly Almaty oblysynyń, Qyzylaǵash aýylynda bolǵan apat saldaryn joıýǵa belsene qatysqan edi. Sondyqtan shtab músheleri eń aldymen qaıta qalpyna kelgen aýyl turǵyndarymen kezdesti. Jalpy, aýyl boıynsha 465 jańa úı salynyp, 32 úı jón­deý­den ótkizilgen. Jańartylǵan ǵımarattar qatarynda Mádenıet úıi, ákimdik úıi, balabaqsha, mektepter men monshalar bar. «Nur Otannyń» shtaby múshe­le­ri aýyldyqtarmen keń kólemde áńgime júrgizip suraqtaryna jaýap berdi, sonymen birge, ózderiniń aldaǵy 5 jyldaǵy maqsattaryn baıan etti. Bul eń aldymen, bilim men ǵylymnyń damýy, densaýlyq saq­taý salasy, ekonomıkany tu­raq­tan­dyrý, jańa áleýmettik saıasat, aýyl­dy damytý, halyq birligin nyǵaıtý. Nurotandyqtar sondaı-aq jap­paı sportpen aınalysýdy, sala­mat­ty ómir saltyn nasıhattaýdy maqsat etip otyr. Kóptegen sport­shylar belsendi nurotandyqtar bolyp tabylady, onyń ústine olar «Nur Otannyń» partııalyq tizimine kirgen. Bul týraly nur­otandyqtardyń Taldyqorǵan qa­la­syndaǵy sport alańdarynyń birinde ótken, Almaty oblysy sport­shylarymen kezdesýinde sóz boldy. О́ńir óziniń sporttyq dástúr­le­rin maqtan etedi. Oblys sport­shylarynyń halyqaralyq deń­geı­degi abyroıly jarystarda eń jo­ǵary satydan boı kórsetken kezderi az emes. Osy kezdesýge belgili sportshylar, sport qaı­ratkerleri jáne bolashaq juldyzdar keldi. Kúmisjan BAIJAN. _________________

Beınettiń zeıneti bolýy tıis

Qazaqstan Patrıottary par­tııa­synyń bir top belsendileri qazir Ońtústik óńirdiń birqatar eldi mekenderin aralap, nasıhat jumystarymen aınalysyp júr. Jambyl oblysynyń ortalyǵy Ta­raz qalasyna atbasyn burǵan atalǵan top munda birqatar kezdesýler ótkizdi. Sondaı kezdesýlerdiń biri Respýblıkalyq órtke qarsy kúres qoǵamynyń eriktilerimen ótip, órt qaýipsizdigi máselesi jóninde birqatar málimetter ortaǵa sa­lyn­dy. Sondaı-aq, kezdesý bary­syn­da kúsh qurylymdary qyzmet­kerleriniń basyndaǵy ahýal da nazardan tys qalmaǵandyǵyn aıta ketý kerek. Osyndaǵy nasıhat ju­mystary barysynda patrıottyq­tar jaqynda lańkestiń qolynan qaza tapqan polısııa kapıtany Ǵ.Baıtasovtyń qaza tapqan jerine baryp, rýhyna taǵzym etip, gúl shoqtaryn qoıypty. Sonymen qatar, zapastaǵy áskerı, polısııa, ulttyq qaýip­siz­dik qyzmetkerleriniń basyndaǵy jaǵdaı da sóz etilgen. Atap aıt­qanda, osy kúsh qurylymdary qyzmetkerleri zeınetke shyqqanda qoldarynda ár túrli jeńildikteri men basynda baspanasy bolýy shart. Iаǵnı, tirisinde jalaqysy joǵary bolyp, áleýmettik qam­syz­­dandyrý máseleleri túgel sheshimin tabýy tıis. Qala turǵyn­da­ry­men kóshede turyp kezdesý ót­kiz­gen partııa belsendileri olar tarapynan qoıylǵan kóptegen su­raq­tarǵa jaýap berip, ózderi de kóp­tegen jáıtterden habardar boldy. Budan basqa partııa belsendileri Taraz qalasynyń Ortalyq bazarynda bolyp, shaǵyn jáne orta kásip ókilderimen kezdesýler ótkizgen. Olar óz tarapynan ákimdik jańa bazar ashyp, sol jerde tólemderdiń ashyq ta ádil júrgizilýi qajettigin kótergen. Qazirgi zamanǵa saı saýda ornyn ashyp berse, onda olar sol jerge baryp, saýdalaryn júrgizýge daı­yn ekendikterin bildirgen. Eger bul másele sheshimin tapsa, onda kásipkerler bıýdjet túsimin art­ty­rýǵa daıyn. Asqar TURAPBAIULY. ___________________

AÝYL TURǴYNDARYMEN JÚZDESTI

«Rýhanııat» partııasy osy kúnderi aýyldardy aralap qaıt­ty. Atap aıtqanda, Almaty ob­ly­sy, Eńbekshiqazaq aýdanyna qa­ras­ty Qazaqstan aýylynda, Ońtústik Qazaqstan oblysynyń Túlkibas aýdanynda boldy. Qazaqstan aýylyndaǵy jı­yn­dy «Rýhanııat» partııasynyń ja­n­ashyr saılaýshylary uıymdas­ty­ryp, kezdesýge aýyldyń jasy men qarty qosa jınalyp, partııanyń saılaýaldy jumystarymen ta­nys­ty. «Rýhanııat» partııasynyń aty­nan Parlament Májilisiniń depý­tat­tyǵynan úmitkerler Erkin Raqyshev pen Geroıhan Qystaý­baev aýyl turǵyndarymen tildesip, partııanyń baǵdarlamasymen tanystyrdy. Onda túıtkildi, ha­lyq­qa qajetti máseleler az bol­mady. Aýyl jastarynyń jumys­syz­dyǵyna kómek berý, zeınet­ker­lerdiń zeınetaqysyn kóterý, aýyl turmysyn jaqsartý sekildi máse­leler sóz etildi. Jalpy, «Rýhanııat» partııasy ulttyq múddeni, qazaq ultyn qor­ǵaıtyn partııa bolǵandyqtan, saılaýshylar partııany qoldaı­tyn­dyqtaryn jetkizdi. Túlkibas aýdanynda «Rýha­nııa­t» partııasynan Parlament Má­jilisine depýtattyqqa kandıdat Erkin Raqyshev pen partııa ókili Ramazan Qurmanbaev aýyl aqsaqaldarymen, kolledj stýdentterimen jáne turǵyndarmen kezdesý ótkizdi. Onyń barysynda Erkin Raqyshev partııanyń baǵ­dar­lamasymen tanystyryp, «Rýhanııat» partııasynyń negizgi maq­saty qarapaıym halyqtyń múd­desi úshin qyzmet etý, stýdentter men jastarǵa kómek kórsetý, muqtaj jandarǵa járdem berý sekildi mańyzdy máseleler ekenin aıtty. Partııanyń endigi bir jurt­shy­lyqpen júzdesýi Qaınar ýnıver­sı­tetiniń qabyrǵasynda osy oqý or­nynyń stýdentterimen, oqytý­shy­larymen boldy. Onda par­tııa­nyń baǵdarlamasy jınalǵandarǵa tolyǵymen tanys­tyrylyp, negizgi kóteriletin máseleler atap kór­setildi. Anar TО́LEÝHANQYZY. _____________________

JASTAR QOLDAÝYNAN ÚMITTI

Qazaqstannyń «Aq jol» de­mo­kra­tııalyq partııasynyń tóraǵasy Azat Perýashev bastaǵan bir top aqjoldyqtar Aqtóbege keldi. Olar partııanyń saılaýaldy úgit-nasıhat jumystarynyń aıasynda uıymdastyrylǵan bokstan olımpıada chempıony Baqyt Sársek­baev­tyń júldesi úshin jarystyń ashylýyna qatysty. Jarysta eli­mizdiń tórt oblysynan kelgen boks­shylar sharshy alańǵa shy­ǵyp, sheberlikterin synǵa saldy. Sodan keıin olar oblystyq kásipodaqtar úıinde oblystyq shtab­tyń múshelerimen jáne bu­qaralyq aqparat quraldary ókil­de­rimen kezdesti. Kezdesýde sóz alǵan Azat Perýashev «Aq jol» demokratııalyq partııasynyń saı­laý­aldy baǵdarlamasyn tarqata áńgimeledi.Partııanyń negizgi maq­sattary – memlekettiń halyq múddesine qyzmet etýin jaqsartý, memlekettik tildiń qoldaný aıasyn keńeıtý, ekonomıkalyq derbestigimizdi qalyptastyrý, bilim berýdi damytý, kásipkerlikti qoldaý, sa­lyq saıasatyn jetildirý, jemqor­lyq­pen kúresti kúsheıtý, sondaı-aq Parlamenttiń ókilettigin art­ty­rý sııaqty qadaý-qadaý másele­lerdi qamtıtynyn jetkizdi. – Sizderdiń aldaryńyzǵa kelip otyrǵan Erkebulan Ilııasov – partııa tizimimen Parlament Májilisi depýtattyǵyna tirkelgen eń jas kandıdat. Nebári 26 jastaǵy ol Kentaý transformator zaýyty­nyń qatardaǵy jumysshysynan vıse-prezıdenti dárejesine deıingi eńbek jolynan ótken, «Jas maman» birlestiginiń kóshbas­shy­sy. Jalpy, bizder jastardyń qol­daıtynyna senim artamyz. О́zim partııa tóraǵasy bolyp kelgennen beri ǵana 20 myńnan astam adam múshelikke ótti. Sonyń ba­sym bóligi jastar, – dedi Azat Perýashev óz sózinde. Onyń málimdeýinshe, partııa­nyń respýblıkalyq saılaýaldy shta­byn­da bilikti zańgerler toby qu­ryl­ǵan, olar úgit-nasıhat ju­mys­tary­nyń zańdylyǵyna baǵdar beredi, saılaýdyń ashyq jáne zań­dylyq­tarǵa sáıkes ótkizilýin qa­da­ǵalaıdy. Satybaldy SÁÝIRBAI ___________________

Oblystar aýmaǵynda jalǵasady

Jalpyulttyq sosıal-de­mo­k­ra­tııalyq partııanyń qurylǵan kúninen aınalysyp júrgen basty máselesiniń biri – baspana bolyp tabylady. Keshe bul partııanyń ókilderi Almatydaǵy «Shańyraq» shaǵyn aýdanynda bolyp, jurt­shy­lyqpen kezdesý ótkizdi. Kezinde bul jerdegi jerdi zańsyz ba­syp alýǵa baılanysty oryn alǵan keleńsiz oqıǵalardyń oń sheshilýine atalmysh partııa da aralasqan bolatyn. Endigi jerde Jalpyulttyq so­sıal-demokratııalyq partııa­nyń bas hatshysy Ámirjan Qosanov: – «Shańyraq» máselesi – eldiń áleýmettik-turmystyq tirshiliginde eleýli oryn alady. «Shańyraq» oqıǵasy kezinde biz osynda bol­dyq, ony kópshilik biledi. Son­dyq­tan Almatydaǵy saılaýaldy kezdesýlerdiń birin osy jerde ótkizip otyrmyz. О́kinishke qaraı, tek Almatyda ǵana emes, úlken qalalarda qarapaıym azamat­tar­dyń zańdy túrde jer alyp, jer telimderin zańdastyrý máselesi ártúrli ákimshilik kedergiler men basqa da túıtkildi jáıtterge baı­la­nysty sheshilmeı jatady. Son­dyq­tan bizdiń partııa osy máse­le­ge baılanysty ustanymyn aıtty, – deıdi. Sondaı-aq, partııa jetekshileri shańyraqtyqtarǵa óz ókilderi Parlamentke ótetin bolsa, aldaǵy ýaqytta da osy problemany zań júzinde retteýge atsalysatyn­dyq­taryn bildirdi. Partııanyń bas hatshysy bul kúni ózderi kezdesý ótkizgen aýdanda basqa kezdesý uıym­das­ty­rylyp, aýdan turǵyndarynyń bir bóligi sol basqosýǵa ketip qalǵanyn kóldeneń tartty. – Biraq, saılaýaldy naýqa­nyn­da mundaı báseke bolyp tu­rady. Bul – qalypty jaǵdaı. Biz oǵan tańqalmaımyz, – deıdi JSDP jetekshileri. Al atalmysh partııanyń al­daǵy úgit-nasıhat jumystaryna keletin bolsaq, ol oblystar aýmaqtarynda jalǵasa bermek. Aınash ESALI. ALMATY. ______________

Belsendileriniń sany artýda

Qazaqstan Kommýnıstik ha­lyq­tyq partııasy Ortalyq komı­tetiniń hatshysy Vladımır Kosarev eki-úsh kúnnen beri shyraıly Shyǵysty aralap, saılaýshy­larmen kezdesti. – Saparymyz jaman ótip jat­qan joq. Semeıde birneshe kezdesý ótti. Ondaǵy kezdesýlerge de kóptegen adam qatysty. Endi, mine, О́skemenge keldim, osy aıdyń 29-ynan bas­tap, birqatar aýdandardy aralap shyǵý oıda bar, – dep ha­lyq­shyl kommýnıster serkesi áde­tin­she ekpindetip áńgimesin bastady. V.Kosarev partııanyń saı­laý­al­dy tuǵyrnamasymen jáne baǵ­darlamasymen tanystyrdy. Onyń aıtýynsha, qazir qoǵamda sheshýin kútken máseleler de bar. Janar maı baǵasy aspandap barady, ony toqtatatyn, toqtatqysy keletin bas­shylar kórinbeıdi. «Bul kún­de­ri 600 myń adam jumyssyz júr, olardyń otbasyn kim asyraıdy? Elimizde jylyna 400 myń tonna maqta, 350 myń tonnadaı jún óndiriledi eken. Al osy baılyq bosqa rásýa bolyp jatyr. Qy­taı­dyń sapasyz buıymdaryn tasy­ǵan­sha, ózimizde óndirýshi kásip­oryn­dardy qursaq, qanshama ju­mys orny ashylǵan bolar edi. Sondaı-aq, aıaq kıim shyǵarý úshin bylǵary jetkilikti. Qazaqstan­nyń aıaq kıimi kózden bul-bul ush­qanyna yqylym zaman ótti. Mine, biz eger Parlament tórinen oryn alatyn bolsaq, osy jaǵdaılarǵa basa nazar aýdaryp, halyqtyń muń-muqtajyn sheshýge atsalysar edik», – dedi partııa serkesi. – Qazir bizdiń partııada 81 myń múshe bar. Kendi Altaıda 7,5 myń adam kommýnıstik halyqtyq par­tııaǵa múshe bolyp tabylady. Biraq Semeı men О́skemen eki bólek jumys istep jatyr. Qaraǵandy, Atyraý oblystarynda da partııa belsendileri kún saıyn kóbeıip keledi. О́tken saılaýda 1,5 myń men 6 myń aralyǵynda belsendiler bolsa, bıylǵy saılaýda bel sheshe kirisip, úgit-nasıhat jumystarymen 18 myń adam aınalysýda, – dedi V.Kosarev. Ońdasyn ELÝBAI. _______________

TUǴYRNAMA TANYSTYRYLDY

Qazaqstan sosıal-demokra­tııa­lyq «Aýyl» partııasynyń tór­aǵa­sy, Parlament Májilisi depýtat­ty­ǵyna kandıdat Ǵanı Qalıev Aqmola oblysy Býrabaı aýda­nyn­daǵy Shortandy qalasyn­da bo­lyp, ondaǵy Orman sharýa­shy­lyǵy ǵylymı-zertteý ınstı­tý­tynyń ujymymen kezdesti. Bul kezdesýge sondaı-aq Parlament Májilisi depýtattyǵyna kandıdat Qýanysh Ábýov pen «Aýyl» par­tııasy oblystyq fılıalynyń tóraǵasy Bolat Muqanov qatysty. Kezdesý barysynda sóz alǵan akademık Ǵanı Qalıev jınal­ǵan­darǵa partııanyń saılaýaldy tu­ǵyr­namasynda qarastyrylǵan má­se­leler týraly áńgimeledi. Bul tu­ǵyrnamada partııanyń aldynda turǵan maqsat-mindetter kórsetil­gen. Partııa sol mindetteriniń birinde agrarlyq ǵylymdy damytý, aýyl sharýashylyǵy óndirisin oıdaǵydaı órkendetýdiń negizgi sharty bolyp tabylady dep esepteıdi. Ǵylymı tehnologııalar men ınnovasııalyq sheshimder ǵasy­ryn­da agrarlyq ǵylym óndiris pen bıznes talap etetin sapaly jańa sheshimder usynýǵa tıis. Ult densaýlyǵy, Qazaqstannyń qaýip­siz­digi men gúldenýi osy máse­le­niń oıdaǵydaı júzege asýyna kóp baılanysty. Jınalǵandar «Aýyl» partııa­sy­nyń tuǵyrnamasymen tanysa kele, ony qoldaýǵa laıyq dep tapty. Osy kúni mundaı kezdesýler Soltústik Qazaqstan oblysy Petropavl qalalyq №3 aýrýha­na­syn­da «Aýyl» partııasynyń aty­nan Parlament Májilisi depý­tat­tyǵyna kandıdat Ivan Kendıýhpen, Almaty oblysynyń Sarqan aýdanynda partııa atynan Parlament Májilisi depýtattyǵyna kandıdat Sársenǵalı Ájibaevpen bolyp ótti. Al Pavlodar qalasyndaǵy «Dos­tyq úıi» mádenı-demalys ortalyǵynda partııa músheleri jergilikti estradalyq oryndaý­shy­larmen birlese otyryp, qala­daǵy Uly Otan soǵysy men eńbek ardagerlerine, zeınetkerlerge, múgedek adamdarǵa konsert berdi. Suńǵat ÁLIPBAI. ______________

MAQSAT – ULTJANDYLYQ SEZIMIN OIаTÝ

Keshe Astanada «Ádilet» de­mo­kratııalyq partııasy «Aıtu­mar» Qazaq ulttyq balalar etno­gra­fııalyq akademııasynyń ǵıma­ra­tynda Parlament Májilisi men máslıhattar saılaýlary qarsa­ńyn­da júrgizilgen úgit-nasıhat sharalaryna baılanysty akademııa ujymymen jáne balalardyń ata-analarymen kezdesý ótkizdi. Kezdesýge «Ádilet» partııasy tór­aǵasynyń orynbasary Musaǵalı Dýanbekov qatysty. Ol akade­mııa­nyń qyzmetkerleri men ata-analardy kele jatqan jańa 2012 jylmen quttyqtap, olarǵa myqty densaýlyq, baqyt, otbasylaryna tynyshtyq tiledi. Sondaı-aq, ol kezdesýge qatysýshylarǵa par­tııa­nyń saılaýaldy tuǵyrnamasynda belgilengen negizgi basymdyqtar jóninde áńgimelep berdi. Buǵan qosa, partııa tóraǵasynyń oryn­ba­sary jınalǵandar men jýr­na­lıs­terdiń otbasy máselesine, bilim berýge, bolashaq urpaqty tár­bıeleýge jáne basqa da qyzyq­tyr­ǵan saýaldaryna jaýap berdi. Búgin Qazaqstan Táýelsiz­di­gi­niń 20 jyldyq mereıtoıyna oraı, sondaı-aq elimizde turaq­tylyq pen kelisimdi nyǵaıtý maqsatynda jastar saıasatyna qoldaý kórsetýge baılanysty «Ádilet» demokratııalyq par­tııa­synyń «Ádil jastar» qanaty «Ádilet alǵa!» uranymen arnaıy is-shara uıymdastyrdy. Sharanyń basy-qasynda júrgen azamat­tar­dyń aıtýynsha, olar mynalar: Qa­zaqstan halqynyń birtutas ekendigin kórsetý, Qazaqstan jas­ta­rynyń boıynda óz Otanyna degen ultjandylyq qasıetti tereńnen sińirý, Qazaqstandy turaqtylyq pen damýdyń sımvoly retinde tanytý, qoǵamnyń óz ishinen bólinýi men jarylýyna ákelip soǵatyn túrli saıası úndeýler men urandarǵa qarsylyq bildirý. Partııa ókilderiniń aıtýynsha, mundaı sıpatqa saı is-sharalar elimizde buǵan deıin ótkizilmegen, sondyqtan, ádilettikter osyndaı bastamalardy uıymdastyrý arqyly qoǵamǵa jańashyldyq engizýdi maqsat tutypty. Láıla EDILQYZY.