Massagetter patshaıymy týraly – «Tomırıs» aýqymdy tarıhı fılmine arnaıy «Qazaqfılm» kınostýdııasynyń terrıtorııasynda soǵylǵan «Vavılon» dekorasııasynda sońǵy túsirilim jumystary júrip jatyr, dep habarlaıdy «Qazaqfılm» kınostýdııasynyń baspasóz qyzmeti.
Massagetter patshaıymy týraly – «Tomırıs» aýqymdy tarıhı fılmine arnaıy «Qazaqfılm» kınostýdııasynyń terrıtorııasynda soǵylǵan «Vavılon» dekorasııasynda sońǵy túsirilim jumystary júrip jatyr. Fılmniń bas prodıýseri – Álııa Nazarbaeva («Anaǵa aparar jol»). Qoıýshy rejısseri – Aqan Sataev («Lıkvıdator», «Reketır», «Adasqandar», «Jaýjúrek Myń Bala», «Anaǵa aparar jol»). Esterińizge sala keteıik, byltyr sáýir aıynda «Qazaqfılm» kınostýdııasy «Sataıfılm» kınokompanııasymen birlese QR Mádenıet jáne sport mınıstrliginiń tapsyrysy boıynsha «Tomırıs» fılmin óndiriske jibergen bolatyn. Fılm bizdiń zamanymyzǵa deıingi VI ǵasyr massagetter patshaıymynyń bastaýymen baıtaq dalany basyp alýdy kózdegen parsy patshasy II Kırge oısyrap tótep bergeni týraly baıandaıdy.
Jalpyrespýblıkalyq kastıngtiń nátıjesi boıynsha basty rólge 15 000 úmitker anyqtalyp, aktrısa-debıýtant Almıra Tursyn tańdalyp alynǵan. Sonymen qatar, fılmde tanymal otandyq akterler: Ádil Ahmetov, Berik Aıtjanov, Asylhan Tólepov, Azamat Satybaldy jáne basqalar túsedi. Kırdiń róline «Sarstvo nebesnoe» fılmi arqyly tanylǵan ulty arab amerıkalyq akter Gasan Masýd shaqyrylǵan. Aıta ketelıik, barlyq bsty keıipkerler trenerlik daıyndyqtan ótken. Urys sahnalaryn qoıýshy Jaıdarbek Kýngýjınovtyń «Nomad» lagerinde atqa miný, sadaqpen atý, sýyq qarýdy meńgerý, at ústinde paıdalana bilý syndy basqa da áskerı áreketterdi úırengen. Fılm úshin qajetti rekvızıtti ázirlengen – kıim-keshek, aıaq kıimi, sol dáýirge saı áshekeı buıymdar men qarý-jaraqtar. Basty keıipkerler men epızodta oınaıtyn akterlerge 1000 kıim komplekt, al Tomırıske 20 kostıým tigilgen. Sonymen qatar, 10 myń qarý-jaraq jasalǵan.
Fılm ne jaıly?
Bul uly dalanyń aty ańyzǵa aınalǵan Tomırıs patshaıymy týraly fılm. Fılmde kishkentaı qyzdan aıbyndy jaýyngerge aınalǵan, jaqyndarynan aırylyp, satqyndardan óshin alǵan jáne saq taıpalaryn óz bıligi astynda biriktirgen arýdyń taǵdyry baıandalady. Ol mahabbat pen óz halqynyń táýelsizdigi úshin sol zamandaǵy eń qııametti soǵysta Parsy ımperııasynyń patshasy Kırmen shaıqasady.