Úkimettik komıssııa músheleri jańaózendiktermen júzdesti

Jańaózendegi qaıǵyly oqı­ǵa­ǵa baılanysty qurylǵan  «Sa­muryq-Qazyna» ulttyq ál-aýqat qory» AQ tóraǵasy О́.Shó­keev bastaǵan Úkimettik komıssııa keshe Jańaózende ju­mys­shy­lar­men kezdesý ótkizdi. Kezdesýde Tó­­ten­she jaǵdaılar mınıstri V.Bojko, «QazMunaıGaz» UK men «Barlaý. О́ndirý» AQ-tyń ja­ńa­dan ta­ǵaıyndalǵan basshylary L.Qıy­nov, A.Aıdarbaev, Mań­ǵys­taý oblysynyń ákimi B.Mu­ha­met­janov jáne basqa da resmı adamdar qatysty. Basqosýda Tó­ten­she jaǵdaılar mınıstri V.Boj­konyń qaladaǵy áleýmettik nysandardy qalpyna keltirý jumystarynyń barysy jaıly habarlamasy tyńdaldy. Mınıstr bul rette biraz jumystar istelgendigin tilge tıek etip, búginderi qaladaǵy 22 mekteptiń jańa jyldan bastap oqýshy­lar­dy qabyldaýǵa daıyn ekendigin jetkizdi. Sondaı-aq oblystyq ar­dagerler keńesiniń tóraǵasy, el azamaty О́.Ozǵanbaev jetekshilik etetin qoǵamdyq komıssııa da aqparat berdi. Komıssııa tóraǵasy О́.Shókeev óz sózinde Elbasy tapsyrmasyna oraı jumystan bosap qalǵan aza­mattardyń áleýmettik-turmystyq jaǵdaıyn retteý maqsatynda Ja­ńaózende jáne Jetibaı kentinde eki jańa óndiris orny ashyla­tyn­dyǵyn, búgin ol jerlerde eńbek etýge nıet bildirgenderdi jumys­qa ornalastyrý júrip jatqan­dy­ǵyn aıtty. Ol jerdegi jumys unasa quba-qup, al zań boıynsha bu­rynǵy daýly másele paıda­ńyz­ǵa sheshilip burynǵy eńbek or­ny­ńyzǵa ornalasatyn múmkindik bol­sa, ol óz erikterińde bolady degendi bildirdi. Bul jerde ar­naýly komıssııa jumysy jal­ǵasý­da ekendigin jáne de sol arqyly másele oń sheshiletini de jetkizildi. Úkimettik komıssııa tóraǵasy ózderiniń Elbasy tapsyrmasyna oraı Jańaózende qaıǵyly oqı­ǵa­lar kezinde qaza tapqandar men aýyr jaraqat alǵandarǵa tıisti kómek beriletindigine toqtal­dy. Naqty kómekter berilýi úshin oqı­ǵa saraptalyp, zerttelip baryp qorytyndy shyǵatyndyǵyn, sóı­tip qaza bolǵandardyń otbasy­na 1 mıllıon, aýyr jaraqat alǵan­darǵa 500 myń teńge kóleminde kómek beriletindigin jetkizdi. Ol kómek qoǵamdyq qor esebinen, qujattar daıyn, dáleldi bolǵan jaǵdaıda kelesi aptadan bastap berilmekshi. Kezdesýde qalalyq máslıhat depýtattary Úkimettik komıssııa tóraǵasyna qalany qalpyna keltirý jumystarynyń qalaı júrýde ekendigi jáne oǵan qansha qarajat kerektigi jóninde de aqparat berdi. Sondaı-aq, turǵyn úı-kom­mý­nal­dyq sharýashylyq máselesine qatysty da áńgimeler boldy. Jeke azamattardyń ótinishterine oraı komıssııa basshysy oblys, qala basshylaryna naqty tapsyrmalar berdi. Jalpy, qalany qalpyna keltirý jumystaryna jumyspen qamtý bóliminen 124 adam jiberilgeni belgili boldy. Keshegi málimet boıynsha qa­la­daǵy barlyq memlekettik jáne áleýmettik-turmystyq nysandar qalypty jumys kestesine kóshti. Qalany elektr energııasymen, sý jáne jylýmen qamtý jónge tústi. Al qaladaǵy búlingen, qırap, ór­tengen ákimshilik jáne áleý­mettik nysandardy qalpyna keltirý ju­mys­taryn bastaýǵa múmkindik bar. Úkimettik komıssııa tóraǵasy О́.Shókeev bastaǵan top eńbekshi­ler­men kezdesýden soń qalany aralap, búlingen nysandardy qal­pyna keltirý jumystarynyń barysymen tanysty. Al quqyq qorǵaý organ­da­rynyń basshylary komıssııa tór­aǵasyna qoǵamdyq tártiptiń saqta­lý­da ekendigin jetkizdi. Jolaman BOShALAQ. Mańǵystaý oblysy.