Jer silkinisi bolǵan ındonezııalyq Sýlavesı aralynda Sopýtan janartaýy oıandy, dep habarlaıdy ria.ru.
Janartaý atqylaýy jergilikti ýaqyt boıynsha tańǵy saǵat 9-da bastaldy. Mamandardyń aıtýynsha, janartaý tútini batys jáne soltústik-batys baǵyttaryna deıin jetedi. Alaıda bul Ońtústik-Shyǵystaǵy Manado qalasyndaǵy áýejaı jumysyna kedergi keltirmeıdi.
Sopýtannyń janyndaǵy aýyldarda turatyn jergilikti turǵyndar lavanyń quıylý múmkindigi týraly eskertý jasady. Sondaı-aq olar janartaýdan 4-6,5 shaqyrym radıýstaǵy aımaqtarǵa barmaýǵa keńes beredi.
Indonezııalyq tabıǵı apattardyń saldaryn joıý basqarmasynyń ókilderi qaýipti aımaqtaǵy turǵyndarǵa arnaıy betperdeler taratty.
Esterińizge sala keteıik, 28 qyrkúıekte Palý qalasynyń mańyndaǵy Sýlavesı jaǵalaýynda magnıtýdasy 6,1 jer silkinisi boldy. Keıinirek dál sol aýdanda 7,4 magnıtýdadaǵy taǵy bir jer silkinisi tirkelgen. Saldarynan Palýǵa bıiktigi eki metrge deıin jetetin sýnamı kóterildi. Sońǵy málimetter boıynsha, 1,4 myńnan astam adam qaza taýyp, 60 myńnan astam turǵyn baspanasyz qaldy.