Byltyr elimizde kóktemgi ańshylyq maýsymyna tyıym salynǵany belgili. Oblystyq orman jáne ańshylyq sharýashylyǵy aýmaqtyq ınspeksııasynyń málimetinshe, kóktemnen kúzge deıingi aralyqta ań atýǵa tyıym salý Eýroodaqtyń 37 memleketinde, Reseı qabyldanǵan.
Sońǵy málimetter boıynsha óńirde 160 bulan, 140 maral, 3356 elik, 40857 qoıan, 13 myńǵa jýyq túlki bar eken. Úırektiń barlyq túri boıynsha 919,7 myń qus tirkelgen. Buǵan qosa 41 299 qaz, 157 myńdaı qasqaldaq, 100 myńnan astam shil sanalypty. Baıanaýyldyń bıik taýlaryn mekendeıtin 1195 arqar bar.
Al, óńirde bar–joq qalǵany 186 qasqyr bar dep sanalady. Qurta berse qasqyrdy zooparkten ǵana kórermiz.
Qazaq «Ittiń ıesi bolǵanymen, bóriniń Təńirisi bar» degen. Qasqyrdyń kıesinen qoryqqan.
Elimizdiń Aýyl sharýashylyǵy mınıstrligimen bekitilgen buıryq boıynsha el aýmaǵynda ań aýlaý ańshylyq erejesine sáıkes ótkiziledi. Bizdiń oblysta sondaı 38 sharýashylyq bar, biraq olardyń 25-i ǵana paıdalanýshylarǵa bekitilgen. Qalǵany ıesiz, ıaǵnı jergilikti atqarýshy bıliktiń qaraýynda. Zań boıynsha «belgilengen ańshylyq aýmaǵynda» bir aýmaq ishinde ǵana ań aýlaı alasyz. Ol jerdiń kireberisinde bógetter, arnaıy belgiler jáne karta ornalasady. Ruqsaty bar azamattar sonyń sheginde ǵana áreketin júzege asyrady.
Byltyr kúzde oblystyq Jer qoınaýyn paıdalaný, qorshaǵan orta jáne sý resýrs-tary basqarmasymen óńir boıynsha jalpy sany 4187 úırek, 698 qaz, 935 qasqaldaq, 49 balshyqshy qus, 582 shil, 103 bódene, 94 dala kógershinin atýǵa lımıt berildi. Lımıt sharýashylyq nysandary arasynda teńdeı bólinedi.
Bizdiń oblysta ań-qus kóbine Baıanaýyl ulttyq parki, «Qyzyltaý» qoryǵy, «Ertis ormany» rezervaty, Ertis ózeniniń jaıylmalary jáne ózge de qorǵalatyn aýmaqtarda aýlanady. Basqarmanyń málimetinshe,olardyń árqaısynyń ereksheligi bar. Inspektorlar byltyr 22 zań buzýshylyqty tirkepti. Elikti zańsyz atqany úshin 250 aılyq esptik kórsetkishi, al, kıikke-350 AEK. Salynǵan aıyppul mólsheri 100 AEK-ten assa, ol qylmystyq is bolyp sanalyp, quqyq qorǵaý organdary tarapynan tıisti sharalar qabyldanady.
Farıda BYQAI,
«Egemen Qazaqstan»
Pavlodar oblysy