Shyǵys Qazaqstan oblysy, Tarbaǵataı aýdany, Qarǵyba aýylynyń turǵyny, jalǵyzbasty jáne kópbalaly ana Ardaq Shákenovanyń baspana máselesin aıtyp, barmaǵan jeri joq. Keıingi jyldary turyp jatqan úıi qulaıtyn jaǵdaıǵa jetkendikten, onyń ústine shıetteı bes balasyn oılap saryýaıymǵa salynyp júr edi.
Endi mine jamaǵattyń járdemimen eski úıiniń janynan jańa úı salynyp jatyr. «Bul bastama qasıetti Qurban aıt kezinde kóterildi. Aqsýattaǵy meshitimizdiń jamaǵaty, isker azamat Jandos Orazǵalıev jalǵyzbasty, kópbalaly ana Ardaq Shákenovaǵa baspana salyp berý máselesin jamaǵattyń aldyna qoıdy. Bul bastama qyzý qoldaý taýyp, halyq birden iske kiristi.
Qurban Aıtta taǵany quıylǵan úıdiń búginde qabyrǵasy kóterilip, tóbesi jabylyp jáne shatyrlanyp, peshi salynyp qoıdy. Endi ishki jóndeý jumystary ǵana qaldy. «Buıyrtsa, qys túspeı jańa úıge kirgizemiz» dedi Jandos.
«Qarǵyba aýylynyń halqyna da alǵysymyz sheksiz. Árkim qoldan kelgen kómekterin kórsetýde. Osyndaı uıymshyldyqpen bastalǵan saýapty is qonystoıyn toılaýǵa ulasady degen senimdemiz», deıdi aýdandyq máslıhattyń depýtaty Erjan Quttybaev.
Azamat QASYM,
«Egemen Qazaqstan»
Shyǵys Qazaqstan oblysy,
Tarbaǵataı aýdany