Italııanyń IIM basshysy, vıse-premeri Matteo Salvını Eýroodaq bosqyndarǵa qatysty jańa erejeler qabyldaǵan jaǵdaıda, áýejaılaryn jabatynyn aıtty, dep habarlaıdy Italııanyń Corriere della Sera gazeti.
Mundaı sheshim qabyldaýǵa Eýroodaq pen Germanııanyń mıgranttardyń alǵash kelip jetken mekenine qaıtarý týraly usynysy sebep boldy.
«Eger Berlın men Brıýssel Italııa ondaǵan mıgranttardy qabyldaıdy dep oılasa, teńiz aılaǵyn japqanymyzdaı áýe joldary da jabylady», dedi memlekettiń ishki ister mınıstri.
Dýblın kelisimine sáıkes, Eýroodaq quramyndaǵy memleketter bosqyndardy alǵash kelip jetken memleketine qaıta jiberýge quqyǵy bar.
Esterińizge salsaq, 2018 jyldyń maýsymynda da Italııa 600 jolaýshysy bar kemeni qabyldaýdan bas tartyp, Maltaǵa qaraı joldaǵan bolatyn.