Brazılııanyń prezıdent saılaýy eki kezeńde ótetin boldy, dep habarlaıdy Euronews.
Prezıdent saılaýynyń alǵashqy kezeńiniń nátıjelerin saraptaý barysynda Brazılııanyń Ulttyq parlamentiniń ońshyl depýtaty Jaır Bolsonarý 46,24%, al solshyl eńbekshiler partııasynyń ókili Fernandý Addad 28,99% daýys jınaǵan.
Bul nátıjemen eki depýtat Brazılııanyń prezıdent saılaýynyń ekinshi kezeńine ótti. Bul málimetterdi Brazılııanyń Joǵarǵy saılaý soty jeksenbi kúni jarııalady.
Saılaý erejeleri boıynsha, úmitkerler 50%-dan joǵary jınaý kerek. Alaıda, bul jolǵy saılaýda eki qarsylastyń nátıjesi matematıkalyq turǵyda múmkin emes, sondyqtan saılaýdyń ekinshi kezeńi ótetin bolady. Ony saılaý soty 28 qazanǵa belgiledi.
Eńbekshiler partııasynyń ókili Fernandý Addad: «Biz ózin demokrat sanaıtyndardy jınaǵymyz keledi. Kedeılerdiń jaǵdaıyn oılaıtyn, qoǵamdaǵy ózekti máselelerdi sheshýge atsalysatyn adamdardy jumyldyrǵymyz keledi. Brazılııada áleýmettik ádildikti ornatý – maqsatymyz», dedi.