Almaty qalasy boıynsha pedagogıkalyq qyzmetkerlerdiń biliktiligin arttyrý Instıtýtynda «О́rleý» biliktilikti arttyrý Ulttyq ortalyǵy» jáne Kaýnas qalasy pedagogtardyń biliktiligin arttyrý ortalyǵynyń (Lıtva Respýblıkasy) yntymaqtastyq qarym-qatynas týraly Memorandýmǵa qol qoıyldy.
Memorandýmǵa qol qoıý taraptardyń kásibı baılanystaryn yntymaqtastyqpen nyǵaıtý, olardyń áriptestik baǵdarlamalardy qurý múmkindigin keńeıtý jáne bilim berý salasynda básekege qabilettilikti arttyrý maqsatynda uıymdastyrylyp otyr.
«О́rleý» BAUO» AQ delegasııasy quramynda: «О́rleý» BAUO» AQ basqarma tóraǵasynyń birinshi orynbasary p.ǵ.d., professor J. A.Qaraev, «О́rleý» BAUO» AQ basqarma tóraǵasynyń orynbasary I. M. Samsaev, «О́rleý» BAUO» AQ fılıaly Bilim berý júıesiniń basshy jáne ǵylymı-pedagogıkalyq qyzmetkerleriniń biliktiligin arttyratyn Respýblıkalyq Instıtýt dırektory, p.ǵ.d. professor J. A. Maqatova, «О́rleý» BAUO» AQ fılıaly Almaty oblysy boıynsha pedagogıkalyq qyzmetkerlerdiń biliktiligin arttyrý Instıtýtynyń dırektory, p.ǵ.d. professor S. M. Keńesbaev, «О́rleý» BAUO» AQ fılıaly Almaty qalasy boıynsha pedagogıkalyq qyzmetkerlerdiń biliktiligin arttyrý ınstıtýtynyń dırektory, p.ǵ.d. R. A. Sadvakasov , «О́rleý» BAUO» AQ kásiptik bilim berý, ǵylymı zertteýler jáne halyqaralyq yntymaqtastyq departamentiniń dırektory, bıologııa ǵylymdarynyń kandıdaty A. F. Islamgýlova, «О́rleý» BAUO» AQ ádistemelik qamtamasyz etý bóliminiń bastyǵy, PhD T. B. Qılybaev, «О́rleý» BAUO» AQ halyqaralyq yntymaqtastyq bóliminiń bastyǵy, pedagogıka ǵylymdarynyń magıstri A. T. Qasymbekova jáne t.b oqý-aǵartý salasynyń ókilderi boldy.
Lıtva delegasııasyn Almaty qalasyndaǵy Lıtva elshiliginiń Bas konsýly Darıýs Vıtkaýskas bastap keldi. Qonaqtar quramynda Lıtva eliniń oqý-aǵartý salasyndaǵy kóshbasshylary, tehnıka ǵylymy jáne áleýmettik ǵylym doktorlary, aǵartý salasy máseleleri boıynsha qala meriniń kómekshisi qyzmetindegi belgili tulǵalar boldy.
Sonymen birge, Kaýnastaǵy Panemýnskıı bastaýysh mektep dırektory Vırgınııa Rýpaınene, Kaýnastaǵy pedagogtardyń biliktiligin arttyrý ortalyǵynyń dırektory Rasa Bortkıavıchene, áleýmettik ǵylym doktory, ınjenerlik lıseı dırektory Daınıýs Jvırdaýskastar qatysqan bul jıynda Lıtva mektep dırektorlary qaýymdastyǵynyń Kaýnas bólimshesi Prezıdenti, Aleksandr Pýshkın atyndaǵy gımnazııa dırektory Erıkas Grıshkıavıchýs delegasııa quramymen jınalǵandardy tanystyrdy. Sondaı-aq delegasııa quramyndaǵy «Saýles» Kaýnas gımnazııasynyń dırektory Sonata Drazdavıchene, Petrashıýnskıı atyndaǵy Kaýnas gımnazııasynyń dırektory Antanına Djıýgene, Tadas Ivanaýskas atyndaǵy Kaýnas gımnazııasynyń dırektory Sıgıtas Alýbaýskas, Kazısa Grınıýsa atyndaǵy Kaýnas gımnazııasynyń dırektory Stanıslovas Shımanaýskas, áleýmettik ǵylymdar doktory, Ionasa jáne Pıatrasa Vıleıshısov atyndaǵy Kaýnas gımnazııasynyń dırektory Dalıa Lapenene, Maıronısa atyndaǵy Kaýnas gımnazııasynyń dırektory, áleýmettik ǵylymdar doktory Daıva Garnene, Kaýnas Mılıkonskıı progımnazııasynyń dırektory Iаnas Rızgıalıs boldy.
Lıtvalyq delegasııasy «О́rleý» biliktilikti arttyrý Ulttyq ortalyǵynyń» jetistikterimen tanysyp, «Robototehnıka», «M. Montessorı» kabınetteri men Aqparattyq-kommýnıkasııalyq ortalyǵynda, mýltımedııalyq zerthanada bolyp, Qazaqstandaǵy biliktilikti arttyrý júıesiniń tarıhı murajaıyn aralady.
Kezdesý barysynda taraptardyń árqaısysy óz elindegi bilim berý júıesi qurylymyndaǵy erekshelikterimen, jetistikterimen bólisip, yntymaqtastyq máselelerine toqtaldy. Qazaqstan men Lıtva arasyndaǵy yntymaqtastyq jańa kásibı turǵydan damý múmkindigi, jańa ıdeıalar jańǵyryǵyna jasalǵan mańyzdy qadamnyń biri bolyp tabylady.
Elvıra SERIKQYZY,
«Egemen Qazaqstan»
ALMATY