Indonezııanyń Sýlavesı aralyndaǵy jer silkinisi men sýnamıden zardap shekkender sany 2000-ǵa jýyqtap qaldy, dep habarlaıdy EURONEWS.
Indonezııanyń Sýlavesı aralyndaǵy jer silkinisi men sýnamıden zardap shekkender sany 2000-ǵa jýyqtap qaldy. Memleket basshylyǵy beısenbi kúni izdestirý-qutqarý jumystaryn toqtatýdy josparlap otyr.Oǵan qosa, sońǵy málimetterge súıensek, iz-tússiz joǵalǵandar sany 5000-nan asyp ketken.
Palý qalasyndaǵy keıbir mektepter ashyldy, biraq sabaq áli bastalmady. Sebebi, aldymen qaıta oralatyn oqýshylardyń naqty sanyn shyǵaryp, keıinnen synyptardy sabaq ótkizýge daıyndaý qajet. Qaladaǵy mektepterdiń birine dúısenbi kúni kelýi tıis 697 oqýshynyń 50-ge jeter-jetpesi ǵana qatysqan.
«Biz balalarǵa bul aýyr jaǵdaıdy jeńýge, olardyń mektepke barýǵa degen yqylasynyń artýyna kómektesip jatyrmyz. Keshe birneshe oqýshy keldi, olar tipti biz suramasaq ta, mekteptegi sabaqtaryn saǵynǵandaryn aıtty» - deıdi Ortalyq Sýlavesı provınsııasynda ornalasqan №3 OM dırektory Kasılýdın Tahııa.
Aımaqtyń 200 myńǵa jýyq turǵyn jedel gýmanıtarlyq kómekke zárý. Soǵan qaramastan, keıbir shalǵaı eldi mekenderge tek jaqyn arada ǵana tikushaqtar arqyly azyq-túlik pen alǵashqy qajettilikter jetkizildi.