Bul kúnderi Ekibastuzda qalany kóriktendirý, kógaldandyrý jumystary júrgizilýde. Bul maqsatqa-memlekettik mekemelermen birge jeke menshik ıeleri, kásipkerler de úles qosýda. Aýlalarda balamaly energııa kózinen qýat alatyn jaryqshamdar ornatylýda. Bul maqsat ta memlekettik-jekemenshik áriptestik aıasynda qolǵa alynýda.
Bul kúnderi Ekibastuzda «Qazaqstan Halyq banki» AQ- bólimshesiniń bastamasymen «Súıikti qalaǵa syılyq» atty shara ótkizýde. Jalpy, ekibastuzdyqtar «Súıikti qalamyz» dep óz týǵan qalalaryn jaqsy kóredi. Bıyl 61 jyl tolǵan týǵan kúnin de atap ótti.
Al, bank óz qarajattarynyń esebinen qaladaǵy Máshhúr Júsip atyndaǵy kóshe 75 turǵyn úı aýlasynda, Energetıkter kóshesinde balalarǵa arnalǵan oıyn alańdaryn ornatyp beripti.
Fılıal dırektory Dáýren Sheshembekovtiń aıýtynsha, bank bastamasymen ótkiziletin sharalar kenshiler qalasynyń kishkentaı turǵyndary-balalarǵa arnalýda. Balalar oıyn kezinde jaraqat alyp qalmas úshin, qaýipsizdik sharasy eskerilip, úı aýlalaryndaǵy oıyn alańdaryna rezeńke jabyndy ornatyldy.
Bank ókilderiniń «Súıikti qalaǵa syılyq» sharasy ár alýan, qala turǵyndaryn qysta tegin konkı tebýge, týǵan ólkeniń shejireli tarıhyn kórip bilý úshin «Týǵan ólkeńdi bil» atty jergilikti mýzeı jádigerlerin kórýge shaqyrady. Soǵys jáne eńbek ardagerlerine de ýaqyt bóledi, ortalyq qalalyq aýrýhanada emdelip jatqan kishkentaılarǵa baryp qaıtty. Meshittiń aýlasyna aǵash egý sııaqty kógaldandyrý jumystaryn qolǵa alýda.
Qalada áli de bolsa, jóndeý kórmegen turǵyn úı aýlalary bar. Bank ókilderiniń «Súıikti qalaǵa syılyq» bastamasyn qoldaıtyn basqa da uıymdar, kásipkerler nazary túser dep senedi turǵyndar. Qalalyq ákimdiktiń Turǵyn –úı kommýnaldyq sharýashylyq bóliminiń málimetterinshe, endi «Halyq» bankiniń jergilikti bólimshesi bıylǵy jyl sońyna deıin 10 turǵyn úıdiń aýlasyna balalarǵa arnalǵan oıyn alańdaryn ornatýdy josparlanyp otyr. Aldaǵy jyly qaladaǵy barlyq turǵyn úıler aýlalary tolyq jóndelip, qosymsha fýtbol jáne sport alańdary qurylady. Sonymen qatar, jalpy aýdany 29 gektardy quraıtyn baq jobasy-qalanyń ózgeshe sándi demalys orny qurylysy da bastalmaq.
Farıda BYQAI,
«Egemen Qazaqstan»
Pavlodar oblysy