Mańǵystaý oblysy boıynsha Memlekettik kirister departamentinde Mańǵystaý oblysynyń ákimi E. L. Toǵjanovtyń, Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń jáne sybaılas jemqorlyqqa qarsy ulttyq bıýro departamentiniń basshylarynyń qatysýymen jergilikti bıýdjet boıynsha boljamnyń oryndalýy, sybaılas jemqorlyqqa qarsy is-qımyl, «Memlekettik qyzmet týraly» Qazaqstan Respýblıkasy Zańynyń talaptaryn, Etıkalyq kodeks normalaryn saqtaý máseleleri boıynsha semınar-keńes ótti.
Sońǵy derekterge sáıkes, jergilikti bıýdjetke salyqtar men tólemderdi jınaý 82% - ǵa oryndaldy, jospar boıynsha 132 668,2 mln. teńge is júzinde 108 843,3 mln. teńge tústi, ótken jyldyń osy kezeńimen salystyrǵanda kórsetkish joǵary, ıaǵın ósý qarqyny 103,6% - dy qurady.
Mańǵystaý oblysy boıynsha Memlekettik kirister departamentiniń basshysy D. E. Janalınov baıandama jasady. Baıandamada zańdy tulǵalardyń kólik quraldaryna salynatyn salyq, jeke tulǵalardan túsetin túsimder boıynsha bıýdjetke qosymsha túsimderdiń túsýi maqsatynda atqarylǵan jumystar týraly esepter, jeke tulǵalardyń bereshek somalarynan qosymsha rezervter boıynsha jumystar, qorshaǵan ortaǵa emıssııalar úshin tólemder boıynsha, 2018 jyldyń 3-shi toqsanynda JTS jáne áleýmettik salyq boıynsha habarlamalardy óńdeý boıynsha jumystar, onlaın BKM sheńberinde derekterdi óńdeý boıynsha jumystar aıtyldy. Budan basqa, MKD basshysy oblys ákimine jáne qatysýshylardyń aldynda jergilikti bıýdjetti tolyqtyrý maqsatynda salyq tóleýshilermen jumys isteý kezindegi josparlary týraly baıandady.
Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń basshysy N. Jannazarova óz baıandamasynda kirister departamenti qyzmetkerleri tarapynan Ádep normalarynyń saqtalmaýy jıi oryn alyp otyrǵandyǵyn jáne tártiptik jaýapqa tartylǵandar jaıynda baıandady. Jyl basynan beri Mańǵystaý oblystyq kirister departamentiniń 120 qyzmetkeriniń 111 tártiptik jaýapkershilikke, qalǵan 9 ákimshilik jazaǵa tartylǵan. Al tártiptik jaýapqa tartylǵandardyń 18 basshylyq quramynyń laýazymdy tulǵalary.
- Kirister departamentiniń qyzmetkerleri 56 - eskertý, 27 - sógis, 5 - qatań sógis, 12 - qyzmetke tolyq sáıkes emestigi týraly eskertý, 2 - qyzmetinen tómendetý, 2 - qyzmetinen bosatylǵan. Sonymen qatar 5 memlekettik qyzmetshi «teris» sebeptermen qyzmetten bosatylǵan. Memlekettik qyzmet kórsetýdiń merzimderin nemese tártibin buzǵany úshin kirister departamentiniń kedendik baqylaý basqarmasynyń 2 qyzmetkerine 72150 teńge kóleminde ákimshilik aıyppul sanylǵan, dedi departament basshysy N.Jannazarova.
О́z sózinde E. Toǵjanov memlekettik kirister departamentiniń árbir qyzmetkeriniń fýnksıonaldyq mindetterin qaıta qarastyrý kerek ekendigin aıtty. Sebebi atqarylatyn qyzmet deńgeıi bir-birimen tyǵyz baılanysty bolǵandyqtan, jumystyń sapasyz oryndalyp jatqandyǵyn baıqaýǵa bolady. Departament basshysy men keńeste kóterilgen máselelerdi eskere otyryp, aımaq basshysy ýákiletti organdarǵa, qalalar men aýdandar ákimderine birqatar tapsyrmalar berdi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy