12 qazan kúni Tashkentte TMD elderiniń qorǵanys mınıstrleriniń keńesi ótedi, dep habarlaıdy «Trend» aqparattyq agenttigi.
Qorǵanys vedomstvolarynyń basshylarynyń keńesinde Ortalyq Azııadaǵy ózekti máseleler men halyqaralyq terrorızmge qarsy sharalar, TMD elderi arasyndaǵy áskerı yntymaqtastyqty kúsheıtý, hımııalyq, bıologııalyq, radıasııalyq jaǵdaıdy baqylaý júıesi sóz bolady.
Budan basqa, Uly Otan soǵysynyń 75 jyldyǵyna arnalǵan is-sharalar men birikken memlekettik radıolokasııalyq taný júıesi konsepsııasy, áýe kúshteri máselesi de qarastyrylmaq.
TMD elderiniń qorǵanys mınıstrleriniń keńesi 1992 jyly qurylǵan. Keńes quramynda Qazaqstan, Qyrǵyzstan, Reseı, Tájikstan, О́zbekstan, Belarýs, Armenııa, Ázerbaıjan memleketteriniń ókilderi bar. Keńes TMD elderiniń áskerı yntymaqtastyǵy máselesin, áskerı saıasat suraqtaryn, qarýly shıelenisterdi sheshý men aldyn alýǵa baǵyttalǵan is-sharalarmen aınalysady.