Jazýshymen qoshtasýǵa zııaly qaýym ókilderi, jazýshylar, qalamgerler, Almaty ákimi Baýyrjan Baıbek, QR Mádenıet jáne sport mınıstri Arystanbek Muhamedıuly keldi.
Mədenıet jəne sport mınıstri Arystanbek Muhamedıuly «Bir kem dúnıe dep shyryldap ótken Alashtyń arysy Sheraǵańdy aqtyq saparǵa shyǵaryp salýǵa jınalyp otyrmyz. Bul - barshamyzǵa ortaq orny tolmas qaza. Sherhan Murtazanyń eńbekteri el taǵdyrymen tamyrlas. Sonymen qatar ol kisi ortamyzda otyrǵan kóptegen azamattardyń rýhanı ustazy bolǵan», - dedi.
Sonymen qatar, Mədenıet jəne sport mınıstri mınıstri Prezıdent Nursultan Nazarbaevtyń kóńil aıtý jedelhatyn oqyp berdi.
«Sherhan Murtaza búkil ǵumyryn tól ádebıetimiz ben mádenıetimizdiń damýyna arnaǵan birtýar azamat, qazaqtyń muńyn muńdap, joǵyn joqtaǵan nar tulǵaly qalamger, qarymdy qoǵam qaıratkeri boldy. Ult rýhanııatynda ózindik qoltańbasy bar zańǵar jazýshy sońyna mol mura, óristi ónege qaldyrdy. Sherhan Murtaza qazaq jýrnalısteriniń birneshe býynyn tárbıelegen ulttyq baspasózdiń bıik báıteregi edi. Qashanda ádildik pen aqıqattyń aldaspany bolǵany úshin qara sózdiń zergeri, shyndyqtyń shyraqshysy atanǵan Sherhan Murtazany halqy «Sheraǵań» dep qadir tutty. Sonaý Temirtaýdaǵy eńbek jolymnyń tikeleı kýási bolǵan ol Táýelsiz memlekettiń irgesin qalaǵan jyldarda da janymda júrip, eldi ilgeriletý isine zor úles qosty».
Aıta keteıik, Qazaqstannyń belgili jazýshysy, qoǵam qaıratkeri Sherhan Murtaza 9 qazan kúni 86 jasynda dúnıeden ótti.