Búgin Almatyda anestezıologııa jáne reanımatologııa, sondaı-aq, sabaqtas salalarda qyzmet etetin mamandarǵa arnalǵan Qazaqstannyń anestezıologtary men reanımatologtarynyń III sezi óz jumysyn bastady.
Atalmysh halyqaralyq forým óz kezeginde qatarynda Qazaqstannyń anestezıolog-reanımatolog dárigerlerin biriktirip otyrǵan «Anestezıologtar jáne reanımatologtar federasııasy» Respýblıkalyq qoǵamdyq birlestiginiń 10 jyldyq mereıtoıyna ulasty. Sez jumysyna respýblıka aımaqtary men alys jáne jaqyn shetelden kelgen 400-den asa maman qatysýda.
Sez jumysyna QR Densaýlyq saqtaý mınıstrligi men Almaty qalalyq Densaýlyq saqtaý basqarmasynyń ókilderi, sondaı-aq, Danııa, Shveısarııa, Izraıl, Arab ámirlikteri, Qazaqstan, Reseı, Belarýs, Ýkraına, О́zbekstan, Qyrǵyzstan jáne Tájikstan elderiniń jetekshi joǵarǵy oqý oryndary men klınıkalarynan spıkerler shaqyryldy.
Sez kezinde bul saladaǵy quqyqtyq jáne uıymdastyrýshylyq máseleler, pánaralyq yntymaqtastyqty ornatý, sondaı-aq, halyqqa anestezıologııalyq-reanımatologııalyq kómekt kórsetý standarttaryn jańartý máselelri kóterilýde.
Sezdiń alǵashqy kúniniń birinshi jartysynda plenarlyq májilis, ekinshi jartysynda seksııalyq májilister ótti. Al 12 qazanda seksııalyq májilister jáne uıymdastyrýshylyq plenarlyq májilis ótedi. Úshinshi kúnge, 13 qazanǵa seksııalyq májilister men Qarar qabyldaý jáne Sezdi qorytyndylaý josparlanǵan.
Tuńǵysh ret Sez aıasynda anestezıologııa jáne reanımatologııada jumys jasaıtyn medbıkelerge arnalǵan seksııa ótkizilmek.
III Sezde anestezıologııa, reanımasııa jáne ıntensıvtik terapııa bólimsheleriniń jumys tıimdiligin arttyrýǵa arnalǵan kelesi mańyzdy taqyryptar qarastyrylady:
Aınash ESALI,
«Egemen Qazaqstan»
ALMATY