6-qazan kúni Argentınada jasóspirimderdiń Olımpıada oıyndary bastalǵan bolatyn. Býenos-Aıreste ótip jatqan jarysqa Qazaqstannyń atynan 57 sportshy attanyp, olardyń arasynda 4 veloshabandoz bar. Velosporttan elimizdiń namysyn Gleb Brýsenskıı, Evgenıı Fedorov, Marına Kýrnosova jáne Svetlana Pashenkolar qorǵaıdy.
Qazaqstandyq shabandozdar tas joldaǵy velosport pen maýntınbaıkten turatyn aralas jarysqa qatysady. Olar úshin jarys baǵdarlamasy 13 qazan kúni juptyq-komandalyq synmen bastalady. 14 qazan kúni jas sportshylar toptyq jarysta baq synaıdy. Al 15-16 qazan kúnderi maýntınbaıkten, 17-qazan krıterıým jarysy ótedi.
«Jarys jolyn biz áli kórgen joqpyz, - dep atap ótti jasóspirimder quramasynyń jattyqtyrýshysy Vadım Gorbachevskıı. – Joldy jarys aldynda ǵana kóremiz. Jalpy tas jol bul jaqta jazyq ári qıyn emes, taý joq. Bizdiń sportshylarymyzǵa osyndaı aımaq yńǵaıly. Jarysqa 17 memleketten, ár eki adamnan qatysady. Bul 200 shabandoz qatysatyn Álem chempıonaty emes. Osy Oıyndarda bizdiń shamamen 40-qa jýyq qarsylastarymyz bar.
Barlyq komandalardyń quramynda bir baıker jáne bir tas joldaǵy velosport shabandozy bar. Al bizde ekeýi de tas joldaǵy velosport shabandozdary. Biraq, jalpy bıylǵy jyly baıkke de qatystyq. Ispanııada da, Reseıde de baıkke, sol sebepti biz oǵan da daıynbyz. Biz jaqsy qural-saımandarmen qamtamasyz etilgenbiz. Velesebedter de satyp alyndy. Jalpy alǵanda komanda daıyn. Qazir sońǵy qysqa, jyldamdyqqa arnalǵan, belsendi jáne dene qyzdyrý jattyǵýlary da ótip jatyr»
Eskere ketetin jáıt, jastar Olımpıadasynda velosporttan aralas jarysqa bir jınaq medal qarastyrylǵan. Ol bes jarys kúniniń qorytyndysy boıynsha komandalar arasynda oınatylatyn bolady. Osylaısha jasóspirimder men jasóspirim qyzdar komandalary el qorjynyna eki medal alyp kelýine múmkindikteri bar.
«Qazir biz Olımpıada qalashyǵynda jattyǵý jasap jatyrmyz, -deıdi jasópirim qyzdar quramasynyń jattyqtyrýshysy Valentına Brýsenskaıa. Jaǵdaılary jaman emes. Marına Kýrnosova men Svetlana Pashenkonyń sporttyq baptary óte jaqsy. Komanda qajetti zattardyń barlyǵymen jabdyqtalǵan. Al bizdiń maqsatymyz medal úshin laıyqty baq synaý»
Jasóspirimder Olımpıadasy Býenos-Aıreste 6-18 qazan aralyǵynda ótedi. Jarysqa Álemniń 206 memleketinen 18 jasqa deıingi 3900-den astam shabandoz qatysady.