Prezıdenttiń «Qazaqstandyqtardyń ál-aýqatynyń ósýi: tabys pen turmys sapasyn arttyrý» Qazaqstan halqyna Joldaýy memlekettiń kezeń-kezeńmen damýynyń dáıekti jalǵasy jáne elimizdiń barlyq azamattary úshin naqty baǵdar retinde qyzmet etedi.
Azamattardyń jaılylyǵyn baǵalaý jáne olardyń ómir súrý sapasyn jaqsartý úshin mańyzdy kórsetkishter retinde anyqtalǵan adamdardyń qaýipsizdigi men sot tóreligine qol jetkizýdi qamtamasyz etý osy progressıvti ilgerileýde zor ról atqarady.
Sot júıesin jetildirý jáne quqyq qorǵaý organdarynyń jumysyn qaıta qurý, atap aıtqanda, sottardyń zamanaýı formalaryn jáne qosymsha elektrondyq qyzmetterdi engizý, qajet emes sot rásimderin qysqartý, beıresmı fýnksııalardy ońtaılandyrý, personaldy irikteý jáne mansapty joǵarylatý, qazirgi zamanǵy formattardy engizý týraly mindetterdi oryndaý halyq senimi men qaýipsizdiktiń joǵary deńgeıin qamtamasyz etedi.
Medıasııa ınstıtýty janjaldardy sheshýdegi balamaly ádis retinde sottardyń qyzmetin jetildirýde mańyzdy ról atqarýy kerek sııaqty. Memleket basshysy «Qazaqstan-2050: qalyptasqan memlekettiń jańa saıası baǵyty» Strategııasynda «sottardy jeńildetý úshin, daýlardy sottan tys retteý ınstıtýttaryn damytýdy jalǵastyrý kerek» dep anyq aıtqan bolatyn. Medıasııa sottardy jeńildetýdi ǵana emes, sonymen birge sýdıalardyń óte kúrdeli prosesterge basa nazar aýdarýyna múmkindik beredi. 2017 jyldan bastap medıatorlarmen baılanysty ister sany orta eseppen 30 paıyzǵa artty.
О́z kezeginde biz, Parlament depýtattary, Elbasymyzdyń Joldaýynda qoıylǵan memlekettik tapsyrmalardy tıimdi oryndaý úshin bar kúsh-jigerdi jumsaımyz, bul jańa kezeńde qabyldanǵan zańdarynyń sapasyna tikeleı baılanysty.
Vladımır VOLKOV,
Parlament Senatynyń depýtaty