Oblys ortalyǵyndaǵy S. Toraıǵyrov atyndaǵy memlekettik ýnıversıtettiń «La vie Dobro» dep atalatyn erikteler otrıady óńirdegi aýtıst-balalar ata-analarynyń «Ardap» qaýymdastyǵyn qoldaý maqsatynda qaıyrymdylyq jármeńkesin ótkizdi.
Oqý ornynda ótken jármeńkege kelgender oblys ortalyǵyndaǵy jeke kásiporyndar-kondıterlerdiń táttilerin, qolóner sheberleriniń týyndylaryn satyp alý múmkindigine ıe boldy. Shara barysynda túrli taqyryptardaǵy ádebı kitaptardy satý, qajet etkenderge hnamen sýret salý qyzmeti de kórsetildi.
Aýtıst balalardyń qoldaý qaıyrymdylyq jármeńkesine demeýshiler retinde 14 kásiporyn qatysty. Olardyń qatarynda sulýlyq salondary, dúkender, kıim-keshek satýmen aınalysatyn bıznes ókilderi keldi.
Oblys ortalyǵynda qazir aýtızm aýrýyna shaldyqqan balalarǵa arnalǵan arnaıy ońaltý ortalyǵy jumys jasaýda. Ortalyqta «Aýtıst-balalar ata-analarynyń assosıasııasy» jáne «Altyn Bata» qoǵamdyq qory» úkimettik emes uıymdary aýtıst-balalardy jáne olardyń otbasylaryn ońaltý men áleýmettendirý salasynda qyzmet atqarady.
Aýtıst degen mı qyzmetiniń buzylý dertine shaldyqqan balalar. Olar jańadan ashylǵan ortalyqta artıkýlıasııalyq jattyǵýmen oqytylýda. О́ńirden bundaı dertke shaldyqqan 2 myńdaı bala bar.
-Árıne, biz bir kúngi jármeńke ótkizýmen balalardyń máselesin tolyq sheshý qoldan kelmese de, bul balalar jaıly jurtshylyq bilý kerek dep oılaımyz. Bárimiz habardar bolsaq, qoǵam da, orta da qaıyrymdy bolary sózsiz. Árkim óz úlesin qosa alady,- deıdi «La vie Dobro» eriktiler otrıadynyń jetekshisi Karına Zakarına.
Jármeńke qatysýshylary arasynda utys oıyny uıymdastyryldy. Jeńimpazdarǵa til kýrstary, fotosessııaǵa arnalǵan sertıfıkattar sııaqty syılyqtar tabystaldy.
Sharanyń nátıjesinde 100 myń teńge jınaldy. Qarajat aýtıst-balalardy ońaltýǵa jumsalady.
Farıda BYQAI,
«Egemen Qazaqstan»
PAVLODAR