Aqjaıyq aımaǵyn naǵyz sýly ólke deýge bolady. Munda jalpy uzyndyǵy úsh myń shaqyrymǵa jýyq ózender jáne eki júzden astam sý aıdyndary bar. Sóz joq, mundaǵy balyq qoryn qorǵaýda memlekettik balyq ınspeksııasynyń róli joǵary. Batys Qazaqstan oblysy ákiminiń orynbasary Erbol Salyqov Aýyl sharýashylyǵy mınıstrligi Balyq sharýashylyǵy komıteti tóraǵasynyń usynysyna sáıkes ınspektorlarǵa jańa «ÝAZ» avtokólikteriniń kiltterin tabys etti. Bul zańsyz balyq aýlaýshylarmen jáne shet jerge balyq ótkizýshilermen kúresti kúsheıtý maqsatynda berilip otyr, dedi ol.
Osy rásimde belgili bolǵandaı, Batys Qazaqstandaǵy balyq ınspeksııasy ujymyna qyzmet kóligi jıyrma jyldan beri alynbapty. Mysaly Oral óńirindegi keıbir ózen-kólderdiń ara-qashyqtyǵy bes júz shaqyrymǵa deıin jetedi. Árıne oǵan barý úshin birinshi kezekte senimdi kólik kerek. Mekemedegi jalǵyz ári eski «Nıvamen» oǵan úlgere alasyń ba? Endi munda eki-úsh ınspektorǵa bir jańa kólikten kelip otyr.
Temir QUSAIYN.
Batys Qazaqstan oblysy.