Búgin Úkimet otyrysynda QR Premer-Mınıstri Baqytjan Saǵyntaev «Prezıdenttiń Bes áleýmettik bastamasyn» iske asyrý barysyn qarastyrý qorytyndysy boıynsha birqatar naqty tapsyrmalar berdi, dep habarlaıdy Premer-Mınıstrdiń baspasóz qyzmeti.
Memleket basshysynyń árbir bastamasy qazaqstandyqtardyń ál-aýqatyn jaqsartýǵa baǵyttalǵan. Halyqtyń turmys sapasy men deńgeıin arttyrý – jalpyulttyq basymdyq.
Birinshi bastama boıynsha Premer-Mınıstr «7-20-25» baǵdarlamasyn iske asyrýdyń jáne ony júzege asyrýdaǵy jergilikti atqarýshy organdardyń jumysynyń mańyzdylyǵyn atap ótti.
B. Saǵyntaev Úkimet músheleriniń nazaryn jumysty jandandyrý qajettigine aýdardy. «7-20-25» baǵdarlamasy boıynsha turǵyn úı salý úshin barlyq múmkindikter bar, qarjylandyrý máselesi sheshilgen. Keıbir óńirlerde bul bastama joǵary deńgeıde iske asyrylyp jatyr, alaıda, jumystardyń tómen qarqynmen júrgizilip jatqany da baıqalyp otyr. Bul qurylys qarqynynyń suranysqa baılanysty ekendigimen túsindiriledi. Osyǵan baılanysty, oblys ákimdikterine qurylys kompanııalarymen jáne banktermen túsindirý jumystaryn júrgizý tapsyryldy.
Ekinshi bastama boıynsha barlyq daıyndyq jumystary júrgizilgeni atap ótildi. Tómen jalaqy alatyn jumyskerlerdiń eńbekaqysyn arttyrý úshin salyq júktemesin tómendetý boıynsha qoldanystaǵy zańnamaǵa qajetti ózgerister engizildi. Bul jumystar 2019 j. 1 qańtarynan bastalady.
Úshinshi bastamany iske asyrý aıasynda, B. Saǵyntaev Bilim jáne ǵylym mınıstrligine oblys ákimdikterimen birlesip stýdent jastardy jataqhanalarmen qamtamasyz etý jumystaryn jandandyrýdy tapsyrdy.
Qarjy mınıstrligi jataqhanalar qurylysyn qarjylandyrýdy birtindep arttyrýy tıis.
Tórtinshi bastamany iske asyrý boıynsha Premer-Mınıstr Eńbek jáne halyqty áleýmettik qorǵaý mınıstrligine oblys ákimdikterimen jáne «Atameken» UKP birlesip bir aı ishinde kásipkerlerdiń shaǵyn nesıe alýlary úshin týyndap otyrǵan barlyq máselelerdi sheshýdi tapsyrdy.
El halqy gazdyń júrgizilýin kútip otyr. Osyǵan oraı, besinshi bastamany iske asyrý aıasynda “Saryarqa” gaz qubyrynyń qqrylysy belgilengen merzimde bastalyp, ýaqytyly aıaqtalýy kerek.
«Prezıdenttiń Bes áleýmettik bastamasynyń» júzege asyrylý barysyna ár apta saıyn monıtorıng júrgiziletin bolady.