«Adal jol – Chestnyı pýt» aksııasy aıasynda Munaıly aýdanynda memlekettik qyzmetter jármeńkesi uıymdastyryldy.
QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń basshysy Nurgúl Jannazarova jáne Munaıly aýdanynyń ákimi Nurlan Tájibaev qyzmet alýshylarmen tildesip, aksııanyń maqsaty týraly aıtyp berdi. Elbasynyń óziniń jyl saıynǵy Qazaqstan halqyna arnaǵan Joldaýlarynda turǵyndarǵa memlekettik qyzmet kórsetýdiń sapasyn arttyrý arqyly azamattardyń memlekettik organdardyń qyzmetine degen senimin kóterý mańyzdylyǵyn erekshe atap kórsetip keledi.
-Kez-kelgen memlekettik qyzmet túri sapaly túrde kórsetilýi tıis. Bizdiń departament osyǵan mán beredi. Al qyzmet túrleri qarapaıym halyqqa túsinikti bolýyna memlekettik qyzmetshiler qamtamasyz etýi qajet. Qazir barlyq jaǵdaı jasalǵan jáne turǵyndar ózderiniń ýaqyttaryn únemdeı alady, deıdi departament basshysy.
Sharanyń negizgi maqsaty – aýyl turǵyndaryna jer qatynastary, sáýlet jáne qala qurylysy, bilim, jumyspen qamtý, aýyl sharýashylyǵy jáne taǵy basqa salalarda kórsetiletin memlekettik qyzmetter týraly tolyqqandy aqparat berý, ásirese elektrondy túrde kórsetiletin qyzmettiń qoljetimdiligi týraly keńinen túsindirý bolyp tabylady.
Qyzmet alýshylarǵa halyqqa qyzmet kórsetý ortalyǵynda kezekte turmaı-aq, kerek qujattarǵa jyldam qol jetkizý múmkindigi aıtyldy. Máselen, aýyl turǵyndary da aýdan aspaı, ózderiniń turǵylyqty mekenjaıy boıynsha ákim apparattary men jalpy orta bilim berý uıymdarynan «О́zine-ózi qyzmet kórsetý» buryshynan tıisti anyqtamalardy alýǵa bolatyndyǵy jóninde aıtyldy.
Aıta ketý kerek, № 378 "Almaty-Mańǵyshlaq" jáne № 309 "Mańǵyshlaq-Aqtóbe" baǵytyndaǵy jolaýshylar poıyzdarynyń jóneltilýine oraı uıymdastyrylǵan aksııaǵa halyq kóp jınaldy jáne ózderiniń qoıǵan suraqtaryna tushymdy jaýaptar aldy.
Sonymen qatar, HQKO qyzmetkerleri M-gov mobıldi úkimet portaly arqyly elektrondy sıfrly qoltańbasyz 44 qyzmet túrin alý múmkindigi jáne úshinshi tulǵamen anyqtama alý servısin qoldaný keńinen túsindirildi.
Aýdan boıynsha barlyǵy 93 memlekettik qyzmet túrleri kórsetiledi. Ústimizdegi jyldyń 9 aıynda memlekettik kórsetilgen qyzmetterdiń sany - 56 228 jetken, onyń ishinde qaǵaz túrinde - 8196 bolsa, «elektrondyq úkimet» veb-portaly jáne memlekettik korporasııa arqyly – 24140 qyzmet kórsetilgen.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy