Qarmaqshy aýdanynyń qurylǵanyna 90 jyl tolýyna oraı Qorqyt Ata memorıaldyq kesheninde merekelik shara uıymdastyryldy. Aýdan ortalyǵy Josaly kentinde «Qarmaqshy» kitabynyń tusaýkeseri ótti.
- Qarmaqshy aýdany - barsha túrki jurtynyń abyzy, danagóı Qorqyt Ata mekeni, Syr óńirindegi ejelgi astanalardyń biri – saqtardyń ordasy Shirik Rabat shahary ornalasqan qasıetti jer. Balqy Bazar, Dúr Ońǵar, Jıenbaı jyraý, Eshnııaz sal irgesin qalap, Kete Júsip, Shoraıaqtyń Omary, Turmaǵambet Iztileýov kúmbezin kótergen jyr kerýeni - Qarmaqshy jeriniń «Júz shaıyr eli» atalýyna sebep boldy. Jaqyn arada Qyzylorda qalasynda aımaǵymyzdyń, onyń ishinde Qarmaqshy aýdanynyń mádenı murasyn zamanaýı deńgeıde dáriptep, nasıhattaý úshin aımaqta Qazaq dástúrli óner akademııasyn ashýdy josparlap otyrmyz», - dep habarlady oblys basshysy Qyrymbek Kósherbaev «Qarmaqshy – eldik pen erlik mekeni!» ǵylymı-tanymdyq konferensııasynyń barysynda.
Sondaı-aq, konferensııada «Qarmaqshy» kitabynyń avtorlary – fılologııa ǵylymdarynyń doktory Baǵdat Káribozuly men tarıh ǵylymdarynyń kandıdaty Ázilhan Tájekeev, Qarmaqshy aýdanynyń Qurmetti azamattary – Baqbergen Dosmanbetov, professor Temirhan Tebegenov, jyraý Almas Almatov baıandama jasady.
Baqtııar TAIJAN,
«Egemen Qazaqstan»
QYZYLORDA